Siervice des Lingaedjes do Payis
Service des Langues régionales endogènes
Li Siervice des Lingaedjes do Payis (e francès, li Service des Langues régionales endogènes), c' est on buro al administråcion del tuzance del Federåcion Walonreye-Brussele. I boute pol walon et po les ôtes pitits lingaedjes del Walonreye et d' Brussele.
I gn a k' deus fonccionaires ki boutnut dins ç' siervice la. C' est zels ki sont les penleus del session des lingaedjes do payis del Comission des Scrijhaedjes et do Live. Dvins l' tins, il estént eto les penleus do Consey des Lingaedjes do Payis.
Sacwants ovraedjes do Siervice des Lingaedjes do Payis
[candjî | candjî l’ côde wiki]- Les Pris del Federåcion Walonreye-Brussele
- Li label Nosse comene dit OYI
- Li coleccion d' lives d' imådjes Les bablutes
- Li programe do ministere pol walon e scole
- Les ptits lives e walon u picard del coleccion « Araedje di lére »
- Les letes toûnreces des lingaedjes do payis et les contnous sol walon del waibe Objectif plumes
- Les corwaitaedjes di lives e walon sol waibe Li Cayé et les Courts Tins
- Li vinte di lives e walon tos ls ans sol fôre do live di Brussele
I dine eto on côp d' sipale pol Fiesse ås lingaedjes walons.
-
Li Siervice des Lingaedjes do Payis sol fôre do live di Brussele e 2023 -
Li Siervice des Lingaedjes do Payis sol fôre do live di Brussele e 2024
Les fonccionaires responsåves
[candjî | candjî l’ côde wiki]
Li fonccionaire responsåve end a stî lontins Jean-Luc Fauconnier; pu ç' fourit Nadine Vanwelkenhuyzen; adonpwis Alix Dassargues.
A l' atake di l' anêye 2022, c' est Julien Noël k' a rpris l' bouye da Alix Dassargues. E dispu l' moes d' decimbe 2024, Gwenaëlle Cappellin î boute eto come manaedjeuse des dossîs.
Hårdêye difoûtrinne
[candjî | candjî l’ côde wiki](fr) Li Siervice des Lingaedjes do Payis sol waibe do Mwaisse Siervice des Belès-letes et do Live