Aller au contenu

Simone Leroy

Èn årtike di Wikipedia.
Simone del Goulete
Simone del Goulete

Li Wiccionaire si rsieve di sacwants fråzes da "Simone Leroy" po-z enimådjî des mots k' i gn a.

Simone Leroy a skepyî li 1î d' octôbe 1897 ey a morou li 6 d' octôbe 1988.

C' esteut ene sicrijheuse e walon ki provneut d' Samår mins ki dmoréve a Ôlwè.

Ele sinéve purade di s' no d' pene "Simone dèl Goulete" (del Golete), udonbén avou l' no di si ome (Simone Manouvriez-Leroy).

Ses powinmes fourît rashonnés dins on livret "Ouves da Simone del Golete" (1976).

Elle esteut mimbe des Relîs Namurwès et di l' ALWAC.

Ele sicrijheut e walon dispu 1963 des powinmes, des coûtès prôzes, des tchansons et des sinnetes.

Foû do walon, elle esteut eto ene fene kinoxheuse do payis d' Virwinvå. Li 15 d' octôbe 1983, elle a stî eterviouwêye dins ene emission Télétourisme (RTBF) ; elle i a raconté sacwants paskeyes e francès, et on pout l' etinde dire si powinme Pâtêr[1] al difén d' l' emission.[2]

Come sicrijheu e walon avou l' minme no d' famile, gn a eto Willy Leroy.

Alére[candjî | candjî l’ côde wiki]

Biyografeye da Simone del Golete pa Gérard Baudrez (3 pådjes nén datêyes)

Hårdêye difoûtrinne[candjî | candjî l’ côde wiki]

Pådje avou sacwants d' ses scrijhaedjes (so l' Aberteke)

Sourdants[candjî | candjî l’ côde wiki]

  1. Ouves da Simone del Golete, p. 18.
  2. « Simone Del Goulette en son pays du Viroin », emission Télétourisme do 15 d' octôbe 1983, sol waibe Sonuma.