Sindrome adenocoli des djonnes colons

Èn årtike di Wikipedia.
Aller à la navigation Aller à la recherche

Li sindrome adenocoli des djonnes colons (e-n inglès young bird sickness), c' est ene maladeye k' acsût les djonnes colons, aprume diviè l' ådje d' èn an.

Istwere[candjî | candjî l’ côde wiki]

Elle a cmincî a s' vey dispu les anêyes 2010 el Beldjike, el France, e l' Almagne et å Marok.

Cåzes[candjî | candjî l’ côde wiki]

Gn a èn adenovirûsse k' enindje li colebire. I s' edjîstrêye dins les boyeas et l' foete.

Les mwaijhès condicions d' idjinne et l' ecassaedje des oujheas (dins les tchenas d' voyaedje) va aidî li colibacile a s' vini stitchî dins les texhous des malådes, et pår alaidi l' tåvlea clinike.

On djåze eto d' on circovirûsse, di protozowaires (Hexamita) et co ds ôtes bactereyes.

Senes del maladeye[candjî | candjî l’ côde wiki]

Li mwaisse sintome, c' est li rnådaedje.

Gn a eto del schite, foirt aiwiasse.

Come di djusse, les oujheas ni magnèt pus, et amwinri.

I morèt dins les 3 a 7 djoûs. I polnut eto rweri.

Gn a des cognes pus awiyantes del maladeye, la ki l' djonne pidjon ki s' a dné do må a l' etrinnmint va rintrer al colebire, et crever so ene eure ou deus.

Minêyolodjince[candjî | candjî l’ côde wiki]

Li prumire anêye, les pidjons d' ådje polèt ossu esse rascråwés.

Mins l' morance pout aler disk' a 30 åcint del colebire. Li morance pa malåde est bén d' 80 åcint. Çoucial, come di djusse, po on prumî passaedje.

Les virûsses pasnut raddimint d' ene colebire a l' ôte, cwand les pidjons d' tape voyaedjnut eshonne avou des rascåwés pidjonîs.