Sinte Catrene d' Alegzandreye
Sinte Catrene d' Alegzandreye (pus coûtmint sinte catrene), c' est ene edvintêye sinte, fiesteye el Walonreye et ôte pårt.
Sinte Catrene est fiesteye li 25 di nôvimbe.
Elle a dné des cmons nos e walon, inte di zels, li no des coûtivêyès crizantinmes.
Si floriconte
[candjî | candjî l’ côde wiki]Si floriconte provént d' ene curêye di comere ki des voyaedjeus trovît el Nonne do dezert do Sinayî al fén do 8inme sieke. On vout kel cadåve åye sitî bén wårdé. Did la, l' idêye ki c' esteut l' coir d' ene sinte. Eyet si no e grek : aikaterina "co todi peure".
On bastixha on floriconte po discrire li vicåreye del sinte. Ele åreut stî l' feye do rwè Costis d' Alegzandreye, aclevêye al coû di l' impreur Massimin. Ele si cviersa å crustinnisse e 320, et djurer di dmorer djonne feye. L' impreur li fjha djudjî pa on raploû d' filozofes, et ele lezî recassa des idêyes bén astokêyes.
Adon, l' impreur li codåna a moirt, et fé monter ene rowe avou des couteas pol discôpecî pår. Li rowe touma e blesse divant d' l' aduzer. Al fén, on lyi côpa l' hatrea. Cwand s' tiesse vina foû, il aspita foû di s' coir des wachlêyes di laecea. Et, sol pî sol tchamp, gn ava ene flouxhe d' andje ki l' elevît, et l' poirter sol Mont Sinayî.
Cwand les Croejhîs ont rarivé e l' Urope do Coûtchant, il ont spårdou ci floriconte la.
Dins l' walon
[candjî | candjî l’ côde wiki]Priyire a sinte Catrene:
- O sinte Catrene do Paradis, O boune patrone, Dji vos e preye dispu todi Avoyîz m' on boulome.