Sinte Matrice

Sinte Matrice, c' est ene forveyowe sinte fiesteye li 16 d' octôbe.

C' est ene sinte priyeye al tchapele di Boubåye (Vizé), avou sint Elwè et sint På metou dlé leye.

Å cmince, c' esteut fok ene imådje di l' Aviedje, avou on scrijhaedje in honorem Matris Dei. Les djins ont creyou ki "Matris", c' esteut l' no del sinte, eyet les femes li vni priyî po les mås d' matrice.

Gn a eto des tchapeles a sinte Matrice a Farnire (gåtche erive di Glin, inte li Viye Såm et l' Haleu, po les crapådes trover on bon marieu.

End a eto ene ås Cahotes (a Horion-Hozémont).