Fråzlete condicionante

Ene fråzlete condicionante, c’ est ene fråzlete ki cmince avou l’ divancete « si ». Si elle est spotcheye, c’ est « s’ ».

Si dj' î va, dji rvénrè d' boune eure.

Dj' î åreu seur sitî, s' i m' l' åreut yeu di, d.

Sôres di fråzlete condicionante

Li fråzlete condicionante si pout rtrover:

• dins des fråzes possibes dins l’ avni :

S’ i fwait bon, dj’ irè pormoenner dins les bwès.

Meoz l' tåve, si vos vloz bén.

• dins des fråzes impossibes (forveyowe fråzlete)

Si bobone vicreut co, ele nos freut des vôtes.

• dins des fråzes k’ årént polou esse possibes, mins ki nel sont pus

Si Djowele avaxhe avou on djoû d’ condjî d’ pus, ele nos åreut vnou dire bondjoû.

ki s' pout dire, avou:

Si Djowele åreut yeu on djoû d’ condjî d’ pus, ele nos åreut vnou dire bondjoû.

Les tins dins l’ fråzlete condicionante

• po les fråzes possibes dins l’ avni : indicatif prezintrece
• po les fråzes ki n’ sont nén u ki n’ sont pus possibe : li môde condicioneu u padecô li môde suddjonctif (e payis d’ Lidje).