Å (lete)

Åå

Dins l' motî da Cambresier, a Lidje, on scrijheut co â

li dobe prononçaedje est mårké dins l' no e francès do viyaedje d' Åve-el-Fåmene ("Ave-et-Auffe")

Li å ou a-bole est ene lete di l' alfabet latén fwaite d' on a avou on ptit rond å dzeu. Si côde unicôde est U+00E5 pol pitite lete eyet U+00C5 pol grande lete.

Cisse lete est eployeye e daenwès, suwedwès et norvedjin, eto e walon, istro-roumin eyet tchamoro.

Elle est eployeye dins l' sistinme di scrijhaedje Feller po, teyoricmint, riprezinter on son a mitan vôye inte /ô/ eyet /â/, tipike del Hesbaye; mins dins l' pratike c' est eployî po les pårlers d' Lidje ossu bén po /ô/ (a Lidje) ki po /â/ (a Serè).

Sorlon les rawetes do diccionaire da de Cambresier (1787), i shonne k' å 18inme sieke, li prononçaedje li pus corant a Lidje di l' oyon "å" esteut "â" (cial po brå, bråcler, bråyete, breyåd). A Limbork, a l' Ess di Lidje, l' oyon est scrît come e 20inme sieke a Nameur (au). Li prononçaedje ålwetrin, a môde daenwesse, si rescontréve, å 20inme sieke, a l' Ouwess di Lidje, disk' a Hu et Hanut.

Li lete est eployeye e rfondou walon come betchfessî scrijha, avou les minmès valixhances k' elle a po do bon dins les pårlers lidjwès; ele riprezinte çou k' est scrît dins les scrijhaedjes coinreces come â, å, ô, au.

Dispu 2002, li å est ricnoxhou eternåcionålmint come on sene ortografike do walon (saetchî foû do live eplaidî på Consorciom Unicôde, 2002).