Soce pol walon

Èn årtike di Wikipedia.
(Redjiblé di Soces di waloneus)
Sauter à la navigation Sauter à la recherche

Ene soce pol walon (lomêye eto: on ceke walon), c' est ene Soce Nén Recwårlante u ene soce sins papîs ki fwait ene sacwè po kel walon rvike.

Istwere[candjî | candjî l' côde wiki]

Istoricmint, li pus viye soce, c' est l' SLLW, k' a skepyî e 1856.

Après, gn a yeu sacwantès soces di scrijheus, bråmint so Lidje (Cåvea lidjwès, Djonnes oteurs lidjwès, evnd.). Foû d' Lidje, fåt purade ritni les Relîs Namurwès (Nameur) les Walons scrijheus d' après l' Ban-Bwès, les Foyants d' Cerfontinne, l' ALWAC (Tchålerwè) et les Romans scrijheus (Roman Payis), li Coirneu (Hu) et l' Rweyå Club walon (Måmdey).

A Nivele, gn a yeu li Peron nivelwès.

E 20inme sieke, bråmint des dramatikes ont eto divnou des soces.

A pårti del mitan des anêyes 1990, on-z a veyou skepyî sacwantès copinreyes, aprume el Province di Lidje (1994-2000) pu sol Province do Lussimbork (2000-2005). Adon-pwis, sol Roman Payis eyet l' province do Hinnot (anêyes 2010).

I fåt eto citer deus soces (houte di l' SLLW) ki rascovrèt tot l' Payis walon, l' UCW eyet Li Rantoele.

Hårdêye difoûtrinne[candjî | candjî l' côde wiki]

Sacwants soces pol walon (et po les ôtes lingaedjes dilérins del kiminålté Walonreye-Brussele)