Sopranal

Sopranal, c' est on rlomé Tchålerwetî rappeu, kinoxhou po ses macassès tchansons. Ès sobriket, Sopranal, c' est on mot-valijhe avou Soprano (on francès rapeu) ey el mot "anal" do francès. Nolu a des noveles da lu dispoy 2013.

Persounaedje

Ådzeu d' esse on sobriket, Sopranal c' est eto on persounaedje k' rixhene les barakîs (dj' ô bén : çk' on lome voltî come çoula, sins nou djudjmint). Totfeye, l' ome djouwant ci role ci sereut bén di Tchålerwè.

Discografeye

Albom

• 2011 : Wallifornie Love

Tchansons

• 2007 : Leffe Leffe — ft. Lucien El Rapia
• 2008 : Bière de rue ([WA] Bire di rowe) — ft. Lucien El Rapia
• 2008 : Everyday J' Kette Joselyne ([WA] Tos les djoûs, djè kete Joselyne)
• 2009 : Boyard Nation ([WA] Boyard Nåcion) — ft. Lucien El Rapia
• 2009 : Pia d'mes couilles ([WA] Pia d' mes coyes)
• 2010 : Cette trouille ([WA] Èç troye)
• 2011 : Guindaille ([WA] Guintche)
• 2012 : Wallifornie Love ([WA] Walonreye Voltî) — ft. Lucien El Rapia
• 2013 : Rasta Boyard Man ([WA] Rasta Boyard Ome)

Polemike

Dispitiveus

Sopranal s' aveut ataké a troes ôtes rappeus, inte di zels deus rappeus francès ki sont foirt kinoxhous :

• Booba : Rappeau francès foirt kinoxhou.
• MC Michou : Rappeu nén-kinoxhou ki vént d' Sterpi-Barcgnere (El Lovire).
• Rohff : Rappeu francès foirt kinoxhou dins les anêyes 2000 eyet al kminxhmint des anêyes 2010.

Critikes

Sacwantès djins pinsnut k' Sopranal stramreut ene mwaijhe imådje del Walonreye. Tolminme, il a acertiné k' les Walons divrént esse fîrs di l' esse eyet k' el Walonreye est foirt critikeye al televuzion.