Sounet lidjwès å minisse (xhiltea)

Èn årtike di Wikipedia.

Sònè Ligeòi a′ Mìnìs

Li Sounet lidjwès å minisse, ki l' tite e vî walon, c' est «Sònè Ligeòi a′ Mìnìs», c' est on vî scrijhaedje e walon disconte do protestantisse (calvinisse) a Lidje.

C' est on xhiltea scrît pa Houbiet Ora.

Ci tecse la, c' est l' tot prumî (l° 1) di l' Invintåre Piron des pus vîs tecses e walon. Il î est titré e francès "Sonnet anticalviniste".

Mwaissès dnêyes[candjî | candjî l’ côde wiki]

Il a stî eplaidî a Lidje e 1655, dins les bokets metous e l' adrovaedje d' on live rilidjeus «Le chasteau du Moine opposé à la Babel de Hochedé Nembroth de la Vigne…» scrît pa Louys du Chasteau. Li live a stî imprimré pa Chr(istian) Ouwrew (ovreu crustin ?).

C' est l' prumî scrît e walon k' on sait dater spepieuzmint, eyet k' on cnoxhe li scrijheu, mestî eyet date di nexhance et d'moirt, avou.

Replaidaedjes[candjî | candjî l’ côde wiki]

Il a stî replaidî e sistinme Feller pa Jean Haust dins s' live «Les trois plus anciens textes (wallons)».[1]

Adonpwis, riprins dins l' grosse antolodjeye Piron.[2]

Li mwaisse copeye a stî prezintêye et esplikêye e francès pa Daniel Droixhe dins deus videyos publiyeyes so VoBuze e 2021.

Contnou[candjî | candjî l’ côde wiki]

Li «minisse» ki l' xhiltea arinne, c' est on pasteur des «Walons et Francès calvinizés» di Dordrecht. Tot l' restant do live da «Louwis do Tchestea», c' est l' minme diåle di criticaedje do calvinisse.[3]

Sourdants[candjî | candjî l’ côde wiki]

  1. Univ di Lidje, facuulté d' filozofeye et letes, livret XXVIII, 1921.
  2. pp 3-4.
  3. Maurice Piron, Antolodjeye p. 3.