Live di sovnances
On live di sovnances, c' est on live avou des scrijhaedjes e prôze, la kel sicrijheu raconte çou k' il a cnoxhou, so on ptit boket di s' veye. Mins c' est sovint tot dnant des racsegnes so des etrevéns istorikes ki s' ont passé e minme tins.
Mwaissès dnêyes
[candjî | candjî l’ côde wiki]Pacô, i n' fwait k' di riscrire les sovnances d' ene ôte djin (Les Memweres d' on Namurwès sol vî Nameur, Åtoû d' l' aistrêye do tins di m' grand-mere).
Les minmes sovnances pôrént esse arindjeyes en on ptit roman, mins adon, l' oteur doet fé come si ci n' sereut nén lu k' a viké ces moumints la. Portant, gn a des lives di sovnances ki ravizèt des romans, come “Mi ptit viyaedje des ans å long” da Auguste Laloux.
Li live di sovnances est diferin di l' otobiyografeye, pask' i n' cåze ki d' on ptit moumint del veye do scrijheu.
Li live di sovnances est diferin, avou, do djournå, ki n' fwait ki d' discrire les parfonds sintimints del djin kel sicrît, u k' on vout ki l' åye escrît.
Sacwants lives di sovnances e walon
[candjî | candjî l’ côde wiki](pa anêye di parexhaedje)
- Les Memweres d' on Namurwès sol vî Nameur (sovnances da Désiré Baulieu, rashiowes pa Joseph Osselet).
- Åtoû d' l' aistrêye do tins di m' grand-mere (Lambert-Joseph-Louis Lambillion, 1906).
- Les croes dins les brouwires (Edmond Wartique ey Edouard Thirionet, 1932)
- Sovnances d' on vî gamén (Eugène Gillain, 1932)
- Istweres d' on gaviot (Firmin Callaert, 1937)
- Rimimbrances d' on franc tigneus (Joseph Minet, 1962)
- Sôdård di 40 (Louis Sohy, 1965)
- Mi ptit viyaedje des ans å long (Auguste Laloux, 1974)
- Å tins des djasses et des tourpenes (Robert Arcq, 1980)
- Avou ene pougneye, on nd a plin s' mwin (Jean-Luc Fauconnier, 1986)
- Warum Krieg ? (Willy Bal, 1996)
- Djonnesse a målvåt (Willy Bal, 2001)
- Onk do coron do Bu (Louis Marcelle, 2002)
- Semdi (Jean-Luc Fauconnier, 2004)
- El fi do schayteu (Maurice Georges, 2006)
- Sovnis d' on gamén di noste Årdene (Arsène Soreil, ratourné pa Léon Bukens, 2009)
- Å pî des plopes (Joseph Selvais, 2021)