Spirou (binde d' imådjes)

Èn årtike di Wikipedia.
Pol discramiaedje des årtikes avou l' mot « spirou & Spirou », loukîz cial.

Po des linwincieusès racsegnes sol mot "Spirou", alez s' vey sol Wiccionaire

a Tchålerwè
a Brussele
adjeyante posteure gonflåve

Spirou ou Spirou et Fantazio, c' est ene binde d' imådjes askepieye pa Robert Pierre Velter, pu rprinjhe on moumint pa Joseph Gillain, adonpwis pa André Franquin.

Li no do mwaisse persounaedje provént do deujhinme sinse do biesse: on wespiyant djonne.

Traeces di walon divins les avinteures da Spirou[candjî | candjî l’ côde wiki]

Dins l' årmonak 1944 del gazete «Spirou», fwait pa Djôzef Djîlin, l' areyoplane da Spirou arive dins ene iye di l' Oceyaneye la k' les djins djåznut «papou». Droldimint assez, ci lingaedje la rshonne come deus gotes d' aiwe å walon.

Li macrea del tribu si lome Sah-L-Koko. A ene grande fiesse, divant d' dire ses oremusses, i cmince pa cist adrovaedje cial: «Ki l' Grand Spér adschinde do cir po m' confonde si dji vos conte des boudes ». C' est a ç' moumint pa ki l' avion Spirou aterit so ene pladje. Les djins avornut après l' avion et poirter Spirou et s' copleu e triyonfe (i shonne k' el kinoxhnut bén, a cåze del teyessef).

I cminçnut a djåzer «papou».

- Sè Sah-l-koko kivasta Rêd-jî (c'èst Salcoco qui va-st-arêdjî / c' est Salcoco ki va-st araedjî).
- Vinovoï visor-si ! (vinoz vôy, vî sorcî ! / vinoz vey, vî sorcî)

Les djins les vegnnut bistoker avou des calbasses ki sintèt l' essince. Spirou n' è rvént nén, et l' mostrer. Onk des bistokeus:

- Kess' kivou ? (qu'èst-ce qu'i vout / cwè çk' i vout ?)

Les ôtes ont bén veyou k' i dmande did dou ki l' essince provént. I lyi mosternut:

- Inenna lavéla tank't êvou (i-n-ènn' a là-vêlà tant qu' t'è vous / i n end a lavola tant k' t' è vous)

Les djins mostrèt ene caze, et dire:

- Int'èrchal vissos-on (intere cial, vî soçon)

Il î trouvnut ene pompe et des bidons d' essince (d' on batea k' a-st afondri). Et les poirter disca leu-z areyoplane. Spirou, miraculeuzmint, a-st aprins l' lingaedje papou. I lzî dit:

- Amno savéssi èvoza lovoi on'sa kwê (am'noz ça vaîci èt vos-aloz vôy one saqwè / amoennez ça vaici, et vos alez vey ene sacwè).

Response :

- Kéd'fîî a (két'fîye â / kécfeye åy)

Adon, trover on sistinme D po fé haetchî les djins so ene djéndjole emantcheye po pomper l' essince. I tchantèt tot saetchant:

Pufoukno, pufoukno, nen napon, nen'napont (pus fou qu' nos, pus fou qu' nos, n' ènn' a pont, n' ènn' a pont / pus fô k' nos, pus fô k' nos, n' end a pont, n' end a pont).

Mins la l' sorcî et les pareys a lu ki vegnnut ataker, tot boerlant:

Noz a'lan fêdê vi tolêavou tovo zôt (nos alans fé des vitolets avou tos vozôtes)

Spirou ni pied nén l' nôr. I lzî creye e papou, po les sbarer:

foutém'likan band'dimor tiko (foutez-m' li camp, bande di morticots / fotoz m' li camp, binde di mårticots).

Et vo lzès la schapés !

Hårdêye difoûtrinne[candjî | candjî l’ côde wiki]

viye avinteure di Spirou avou do walon dvins

Commons
Commons
I gn a so les cmons Wikipedia des imådjes ou fitchîs son a vey avou Spirou et Fantasio .