Jijé

Joseph Gillain

Jijé

Skepiaedje	13 di djanvî 1914, Djedene
Moirt	19 di djun 1980, Versaye
Nåcionålité	Bedje
Activités	auteur ou autrice de bande dessinée, illustrateur ou illustratrice, dessineu, céramiste, scrijheu, mwaisse pondeu, edvinteu, spiroutî, scénariste de bande dessinée

WIKIDATA

Enimådjaedje pa Joseph Gillain d' on live da Paul Moureau

Jijé, di s' vraiy no Joseph Gillain (riwalnijhåve Djôzef Djîlin), c' esteut on rlomé spiroutî walon.

I vna-st å monde li 13 di djanvî 1914 a Djedene, et mori l' 19 di djun 1980 a Versailles el France.

Vicåreye

Ses parints, Eugène Gillain eyet Marie Doffagne, ont-st avou 7 ôtes efants, Marie (1909), Paul (1911), Henri (1913), Joseph (1914), Albert (1916), Louise (1918), Thérèse (1920) et Monique (1923).

Jijé fourit on soûmint del gazete Spirou, k' il î animéve les istweres di Jean Valhardi, Spirou et Fantasio, Blondin et Cirage (k' ont stî ahivés dins l' presse crustinne) et co Jerry Spring.

Poy i moussa-st el gazete Pilote, wice k' i va rprinde li dessinaedje di Tanguy et Laverdure des mwins da Uderzo et so des sinnårios da Jean-Michel Charlier.

E 2003, on Muzêye Jijé a-st askepyî a Brussele avou èn ecwårlaedje privé. I dva clôre e 2005. Mins, avou des subzides, i pola rdrovi e 2006, rowe do såvlon (Zandstraat), dizo l' alomåcion Måjhon del binde d' imådjes del Beldjike. On î prezinte l' ouve da Jijé, mins ossu l' cene di bråmint des ôtes spiroutîs k' on bouté avou lu al gazete Spirou (scole di Mårcinele del binde d' imådjes).

E 2023, ene espôzucion so si ouve a stî metowe so pî a Djedene. On î voet k’ dins èn albom di « Blondin et Ciraedje », i cåze do docteur Serckx, on vraiy medcén k’ a pratiké a Djedene.^[1]

Tecnike des desséns da Djôzef Djîlin

C' esteut çou k' on lome des bwès. I boutéve so les desséns di s' fré (come po les Cayés Walons) u so des cis des ôtes (come po les Contes d' aprandjire da Paul Moureau).

Jijé et l’ walon

Joseph Gillain a-st enimådjî les 30 prumîs limeros des Cayés Walons (e 1937 pu di 1940 a 1943), et des lives di des scrijheus des Relîs Namurwès k' ont rexhou adon. Metans :