Sun Zi

Èn årtike di Wikipedia.

Sun Zi (6e-5e siéke divant Dj.-C.) (孫子 e pinyin: Sūn Zǐ)c' esteut on scrijheu chinwès.

Il est cnoxhou po-z aveur sicrît L' årt del guere, on live k' a bråmint toûrné l' façon do pinser li stratedjeye militåre eyet li façon k' les payis si hantèt. C' e-st onk des prumîs reyalisses dins les syinces politikes.

Sun Zi e-st on no d' oneur; li vraiy no di l' oteur est Sun Wu (孫武, Sūn Wǔ).

Tot çou k' on sait sor lu provént di l' istoryin Sima Qian, ki nos dit ki l' Sun Zi esteut on rlomé djenerå di l' estat di Wu. Il avize portant kel live k' on vout k' c' est lu ki l' a scrît, åreut stî atuzlé pitchote a midjote, eyet pus tård, inte 400 eyet 300 dvant Dj.-C.