Såvadje no des dmorants

Spot divnou oficirmint on no d' rowe

Reployaedje do såvadje do des djins d' Ver (les Makès) po lomer leu såle

"Les Graevîs", letraedje do spot des dmorants di Rmagne, e leu såle comunåle

Li såvadje no des dmorants (on dit eto : sipotaedje des dmanants, spot des dmorants), c' est on såvadje no k' on dene ås djins d' on hamtea, on viyaedje, ene veye, ene contrêye, on payis.

Mwaissès dnêyes

Il est å pus sovint eployî å pluriyal.

Li såvadje no est aprume eployî po s' fote des djins di ç' plaece la. Mins sacwants did zels, nén trop traitants, sont voltî reployîs po des nos d' såles cominåles, di restorants, di dramatikes, evnd.

Les scrijheus e walon s' endè siervèt voltî dins leu no d' pene.

Li såvadje no des dmorants est diferin do no des dmorants, k' est fwait direk sol no do viyaedje.

Rilomés spots d' viyaedjes (u d' payis)

• Les Tiesses di hoye (spot des Lidjwès)
• Les Cwårêyès Tiesses (Holandès, u Flaminds)
• Les Oulines (les Halenes, trope di teyåte francès-cåzant di Transene)
• Louline Voye (li halene evoye), no d' pene da Lucien Mahin
• Les Longuès Penes (trope di teyåte walons-cåzant di Tourene)
• Peu d' Bwès (spot des cis d' Longuiè, no d' pene da Jean-Marie Pierret

Sourdants po les såvadjes nos e walon

Lives u årtikes pårmint sol sudjet

• Live da Fivet so les såvadjes nos des dmorants des viyaedjes do Payis d' Nameur
• Papî Bourguignon so les såvadjes nos des dmorants des viyaedjes del province do Lussimbork
• Papî Hostin so les spots des viyaedjes d' après Nameur (eplaidî pa Jean Hamblenne, Wallonnes 4/2019 & 1/2020)

Ôtes sourdants

• Motî d' Bastogne p. 1044
• Live da Haust so les nos d' plaeces del Walonreye
• A. Doppagne Enquête sur le gentilé et le blason populaire des communes wallonnes, les Dialectes belgo-romans, 1948, 4, pp 157-176.

Hårdêye difoûtrinne

• Djivêye di såvadjes nos di dmorants