Jean Hamblenne
Jean Hamblenne, c' est on scrijheu e walon eyet èn eplaideu di tecses rilidjeus crustins e walon.
I vna å monde li 8 d' awousse 1953.
Di s' mestî, il esteut mwaisse di scole, ey eto scoleu (boute-po-rén) pol teyolodjeye crustinne (ortodosse).
Il est mimbe des Relîs Namurwès ey il a yeu l’ cocåde e 2021.[1]
Ovraedje come eplaideu
[candjî | candjî l’ côde wiki]D' aboird, i rtrova les ratournaedjes e walon d' on moenne di l' abeye di Rotchfoirt et les replaida (Evandjîle sint Mår, såmes).
Adonpwis, e 2016, il enonda on pordjet di ratournaedje e walon di tot l' Novea Testamint. A fwait k' des noveas tecses moussént foû, i les meteut a môde di livrets. Insi, il eplaida cénk prumirès letes d' apoisse e walon (e 2020), shuvou di cénk ôtes letes d' apoisse e walon (e 2021). Li live etir («Li Novea Testamint e walon») rexha e 2022.
Il a eto replaidî ene ramexhnêye d' arimés da Reynolds Hostin, Roukes et pazeas (Rukes èt pazias) (2019) pu deus pîces d' èn ake do minme oteur: «Cours moudris» eyet «L' ome» (2020). Eto, todi rapexhîs pa Hostin, ene djivêye di spots di dmorants des viyaedjes del province di Nameur.[2]
E 2025, i replaide deus ptits lives so èn ôte sicrijheu cinacyin, Arthur Potier: «Powinmes walons» (ene ramexhnêye d' arimés, ISBN 978-2-87594-057-5) eyet «On djoû d' fôre a Cînè» (arimêye pîce di teyåte d' èn ake, ISBN 978-2-87594-058-2).
Come sicrijheu
[candjî | candjî l’ côde wiki]I cminça a scrire des tecses e walon dins les Cayés walons eyet dins l' Bourdon diviè 2017.
I publeye eto ses ouves dins l' Soverdea dispu 2020; adonpwis, dins l' novea Noer Boton.
E 2022, i rashonne tos des scrijhaedjes dedja parexhous dins ces troes rvuwes la, L’ istwere do monde racontêye pa les biesses.
E 2024, il a dné on tecse pol ramexhnêye di tchansons a mete e muzike del Fiesse ås lingaedjes walons. Et vudî deus noveas ptits lives: «Djan ki brait et Djan ki rît» (ramexhnêyes di ptitès prôzes, ISBN 978-2-87594-053-7) et «Mwaijhès rescontes» (powinmes sol diåle, les macrales, les rbouteus, les nûtons, evnd.
Il a scrît l' adrovaedje do live di noveles da Lucyin Mahin, «Cwate paskeyes d' asteure» et fé on spitch (lijhåve vaici) å strimaedje do live a Djedene.
Sourdant
[candjî | candjî l’ côde wiki]- ↑ Christine Decock, « Rapport d'activités », dins Les Cahiers wallons, 85inme anêye, lº 1, djanvî-fevrî 2022, p. 24.
- ↑ Wallonnes 4/2019 & 1/2020.