Tchestea Miranda

Li Tchestea Miranda (e francès, li château Miranda oubén l' château de Noisy), c' esteut on tchestea di stîle neyo-gotike a Cele-dilé-Dinant. Il a stî distrût e 2017, mågré k’ bråmint des djins li vlént schaper.

Istwere

Tins del Revolucion francesse, li conte di Liedekerke-Beaufort eyet s' famile sont metou a l' ouxh d' leu vî tchestea d' Vêves. I vont dmorer on tins dins ene cinse dilé Cele. Adon, après l' Revolucion, ciste famile la (k' esteut foirt ritche) a fwait basti on novea tchestea el plaece del cinse.

Li coir di lodjisse a stî basti e 1866, eyet l' tour a stî basti e 1907.

Tins del deujhinme guere daegnrece, des sôdårds almands ont viké dins l' tchestea et, après çoula, il a stî eployî come cinte di vacances po ls efants des djins ki boutént al SNCB. Epwis, il a stî abandné.

• 
  li tchestea e-n ivier
• 
  l' erî do tchestea
• 
  les montêyes e bleuwe pire d' Itåleye

Distrujhaedje

E 2013, li conte di Liedekerke-Beaufort (li dischindant do ci k’ a fé basti l' tchestea) a dmandé on permis pol distrure. Adon, bråmint des djins estént mwaijhes ey ont vlou djoker cist afwaire la. I gn a yeu 8.000 djins k' ont siné ene peticion so les fis, puzieurs manifeståcions, eyet minme des plintes å tribunå d' Dinant et å Consey d' Estat. Mins, al difén, li tchestea a stî distrût e setimbe 2017.