Tchvå Bayåd

Nameur : posteure do tchvå Bayåd et des cwate fis Aimon

Li Tchvå Bayåd u Tchvå Bayârd, c' est li tchvå do floriconte des cwate fis Aimon. C' est on bay, come di djusse. C' est on tchvå ki pout fé totès estchantêyès sacwès.

Si no provént del tchanson d' djesse des cwate fis Aimon kinoxhowe el France, el Beldjike (Walonreye et Flande), e l' Almagne, e l' Itåleye, ezès Bas Payis et minme e l' Inglutere.

Il åreut zouplé houte do Rotchî Bayåd a Dinant et li scoter.

C' est onk des adjeyants d' bwès del porcession di Termonde, Ate et Malene. Insi, il est waeranti come patrimwinne nén fizike pa l' UNESCO.

Li Tchvå Bayåd est lomé "Ros Beiaard" e flamind, "Bayard" e francès, Bayardo e-n itålyin.

E walon, li mot "bayåd" a divnou on cmon no avou bråmint des sinses, aprume po des usteyes po poirter des tchedjes.

Dons madjikes

Li tchvå Bayåd, c' est on tchvå madjike ki dvént co pus fel cwand il est pus tcherdjî.

I pout prinde li grandeur di ses atchvaleus. Insi, i serè pacô discrît avou ene foirt longue sicrene et des pates ossu coûtes k' ene robete.

Sourdants & pî-notes

• 
  Posteure a Bogni, dins les Årdenes francesses.
• 
  Posteure a Nijkerke, ezès Bas Payis.
• 
  A Grembergen, dilé Termonde.
• 
  Al "porcession do tchvå Bayåd" a Termonde e 2000.
• 
  Li tchvå Bayåd al dicåce d' Ate e 2008.
• 
  Posteure a Termonde, poite di Brussele.
• 
  Po reclame d' ene pidzeria.
• 
  Li rotchî Bayåd a Dinant.