Tirtinne

Èn årtike di Wikipedia.

Li tirtinne, c' esteut ene sôre di grosse sitofe, fwaite d' on fi d' linne, et d' on fi d' coton[1], ou d' tchene ou d' lén.[2]

Ele rishonne al tchamwesse fwaite d' on maxhaedje di linnes, mins cisse-ciale est uneye, adon ki l' tirtinne a des royes (li fi ki n' est nén del linne).

El Walonreye, end aveut co tins d' l' eter-deus-guere, on è fjheut des djupes po les comeres ki n' avént nén d' cwè si fé fé des mousmints å taeyeu, mete li dimegne.[3]

Portant, davance, on ndè fjheut des abits po les djins bén metous, come dins ene paskeye ramexhnêye pa Jean Haust :

Il aveut èn abit d' tirtinne et des tchåsses a spinå.

Sorlon on vî papî di 1775 cité dins l' Motî da Toussint, on-z è fjheut eto des tchefsîs.

Po des linwincieusès racsegnes sol mot "tirtinne", alez s' vey sol Wiccionaire

Sourdants[candjî | candjî l’ côde wiki]

  1. S104 p. 211.
  2. E200 p. 211.
  3. Charles Delaite, Ridû, responda a Lucyin Mahin, diviè 1995.