Toussaint Brahy
| Skepiaedje | 8 di nôvimbe 1821, Lidje |
|---|---|
| Moirt | 16 di may 1888, Lidje |
| Nåcionålité | Bedje |
| Activités | scrijheu |
Toussaint Brahy a skepyî a Lidje li 8 di nôvimbe 1821. Il î mora li 16 di may 1888 et si siervice si passa dvins l' eglijhe di Sint-Bietmé. I fourit-st eteré e l' aite di Sinte Wåbeu
C' esteut, aprume, on scrijheus d' tchansons e walon.
Il askepia l' soce «Li cavo lidjwès» li 15 di måss 1872 sol modele do Caveau français.
Il î dmana disk' å onze di djanvî 1883 po ndè divni on mimbe onoraire.
Riprins dins l' grosse antolodjeye da Piron.
Ses deus fis Charles Brahy eyet Henri Brahy ont scrît eto des bokets e walon.
Vicåreye
[candjî | candjî l’ côde wiki]Il est l' fi da Hubert Brahy et da Elizabet Massart ki dmorént rowe do Crucifi a Lidje, rowe ki n' egzistêye pus ouy.
I fjha si intrêye divins l' veye tot divnant ovrî imprimeu amon Colardin. Adonpwis, il ovra amon Desoer trinte-cénk ans å long disk' a s' dierin hiket.
Ouve come sicrijheu
[candjî | candjî l’ côde wiki]E 1863, i scrît s' prumire tchanson, l' åbalowe.
Diviè 1866, il ataker a scrire des rimeas e francès å powete montwès Antoine Clesse. I fjha rade si cnoxhance et s' divnît i bons camaerådes po bråmint d' anêyes.
E 1873, il finixha deujhinme avou Nicolas Poulet å concours do comité des fiesses di Spå.
Il eplaida, e 1883, dizo l' tite «Œuvres wallonnes», des tchansons, des powinmes et 3 pîces di teyåte :
- A kî l' fåte ? (1 ake).
- Fåte di pårler (1 ake)
- Li bouket (2 akes).
E 1887, i rascoda èn accessit å concours do Cåvea vervîtwès avou Madlinne.
E 1892, après s' moirt, on rashonna co di ses scrijhaedjes dizo l' tite «Œuvres wallonnes» avou co des tchansons, des powinmes et 3 pîces di teyåte d' èn ake :
- Les deus mononkes
- Li fiesse do grand-pere
- Li manaedje Cocrêmont
Mins l' ouve k' el va leyî cnoxhe co lontins après s' moirt, c' est l' tchanson «Les tch'vaus d'bwès da Beaufis», k' a stî co stî rprinjhe dins les anêyes 1990 so ene cassete CRIWE des rlomêyès tchansons lidjwesses.
Hårdêyes difoutrinnes
[candjî | candjî l’ côde wiki]
Li Wiccionaire si rsieve di sacwantès fråzes da Toussaint Brahy po-z enimådjî des mots k' i gn a.
