Uzeu copene:Xindes

Wilicom amon nozôtes

Bénvnowe sol Wikipedia walon, vos Xindes. Wilicom ! dijheut on divinltins.

Si vs avoz dandjî d’ ene miete d’ aidance, vinoz dmander vaici, vos trouvroz bén ene sakî po vs aspaler. Avoz ddja tapé èn ouy dins l’ documintaedje ?
Gråces et merci, dedja, po vos radjoutaedjes.

Dj' a ddja veyou vos contribouwaedjes. Gråces bråmint des côps ! :-) Dj' a veyou eto ki vos scrijhoz avou l' (ubén ene) ortografeye do costé d' Nameur ; djans, pinse-dju. I s' pout ki dji m' forbate. Sins vos vleur edever, nos uzans purade l' ortografeye rfondou sol Wikipedia. El pôrîz sayî ? Si neni, ni tchictez nén a mi dmander on côp d' aspale. Ça sreut avou plaijhî d' vos aidî.

Ki ça vos våye bén,

--Èl-Gueuye-Noere (Ene sacwè ? => Dijhoz-m' el !) 24 di måss 2023 a 19:40 (UTC) Èl-Gueuye-Noere (Ene sacwè ? => Dijhoz-m' el !) 24 di måss 2023 a 19:40 (UTC)

Bondjoû, don !

Gn-a pont d' probléme à candjî l'ôrtografîye si v' vloz ! Dji l' vos promè, i n'èst nin quèstion dè l' volu à tos prîs waurder, c'èst seûlemint qui c'èst l' seûle qui dj'a studyî èt comprinde. Dji n' conè nin li r'fondu. ç'a stî minme, mi chone-t-i, onk dès sudjèts qui dj'aveu d'djà causé su l'onk ou l'ôte rubrike di ç' wikipédia.

d'alieûr, dispôy, dj'aveu d'djà riscrît on-ôte ârtike qu'èsteut pus proche di ç' qui m'a-t-i choner lîre avaur-ci èt là è r'fondu su ç' wikipédia ("Fjheu d' fimes", qui v's-avoz d'alieûr onêtrèmint r'coridjî). C'èst lès preûves qui ç' n'èst nin qu' dji nè l' vou nin fé, mins qu' dji nè l' pou nin fé...

D'abôrd, si v' vloz candjî po qu' ça seûy mia scrît, oudôbin qu' mès ratoûrnûres sont trop "Feller", i-gn-a rin, di m' costé, qui l' vos disfind ^^ Li seû dâr qui dj'a, c'èst d' polu spaler vos-ôtes ostant qu' possibe po fé crèche todi d' pus l' wikipédia è walon. Dji n' tchiquètreu nin po vos d'mander d' l'aîde s'i-gn-a dandjî.

Tot-èspèrant qu' tot vos vaye bin por vos èto.

jusqu'au côp qui vint ;)

Xindes

Bonswer Xindes,

Dji comprind. Mi eto, dji n' sai k' escrire dins ene ortografeye. Dji vs mande escuze si mi prumî messaedje vs a shonné ene miete hourtåd ([FR] brutal), ci n' esteut nén èm-n' adierça ([FR] objectif). Dji vos vleu djusse sohaitî el bénvnowe eyet vos dire ki dj' esteu mo binåjhe ([FR] très content) d' vos contribouwaedjes.

Tot rwaitant l' ortografeye, ça vénrè avou l' tins. Cwand dj' aveu comincî a-z aprinde li walon, dj' aveu yeu do må eto avou l' escrijhaedje. ;-)

Djusse po racsegne : vos scrijhoz bén avou l' Feller di Nameur ?

Ki ça vos våye bén eyet co wilicom amon nozôtes,

--Èl-Gueuye-Noere (Ene sacwè ? => Dijhoz-m' el !) 29 di måss 2023 a 17:09 (UTC)

Bondjoû !

Abîyemint po vos rèsponde, oyi, dji scrî bin à môde di Feller è walon d' Nameur =) qui dj'a p'lu studyî al sicole di walon d' Nameur (divant loméye "Scole di walon Lucien Somme") i-gn-a d' ça cinq ou chîj ans asteûr. C'èst d' zèls qui dj'a-z-apris m' maniére di scrîre, c'èst malèreûsemint po ça qui c'è-st-afîye malaujîy por mi avou li r'fondou. Mins po v' dîre li vraî, dji c'mince faît-à faît à l' sawè lîre ! Po li scrîre, c'è-st-one ôte afaîre mins come vos l' dijoz, ça vinrè sins manque avou l' timps ^^

Pont d' tracas po vosse mèssadje di d'vant ! dji n' l'aveu nin mau pris avoz. Èt cor on fèl mèrci di m' sowaîtî l' binv'nûwe avau vos-ôtes =) Asteûr, dji f'rè di m' possibe po scrîre èt r'fé lès candjemints è r'fondou èt, come dît dins m' mèssadje di d'vant, dji n' fèrè nin l' djokofio ([FR] l'indécis) si dj'a 'ne quèsse ou l'ôte !

One boune fin d' samwinne seûlemint èt j'qu'au côp qui vint.

Xindes.