Varowa
El varowa, c' est on formagnant difoûtrin des moxhes al låme.
Sincieus no d' l' indje : Varroa jacobsoni
Istwere
[candjî | candjî l’ côde wiki]Li biesse a stî discoviete e 1904 dins l' iye di Djava.
Ele esteut purade kinoxhowe come formagnant del moxhe al låme indyinne (Apis cerana). Mins, avou ciste indje di moxhe la, li formagnant vikéve e-n abiança avou l' edjîstreu, sins touwer l' colneye.
Mins, e 20inme sieke, on-z a epoirté des moxhes al låme uropeyinne (Apis mellifera) e l' Sibereye, e l' Chine ey e l' Indochine francesse. Li varowa a polou passer d' ene sôre a l' ôte, come ça a stî mostré e 1964 e l' Chine. Pu on l' a rtrové divins des ôtes payis d' Azeye.
Dispu 1970, elle a-st enindjî les payis d' Urope levantrece. Pu passer e l' Urope coûtchantrece.
E 1984, on l' a discovrou pol prumî côp e l' Beldjike, dins les Redîmés Payis ey après Vervî.[1]
Sourdant
[candjî | candjî l’ côde wiki]
- ↑ La varroase des abeilles, livret do Ministere di l' agricoûteure, Brussele, moes d' måss 1985.