Vencîmont

Èn årtike di Wikipedia.
Sauter à la navigation Sauter à la recherche

Vencîmont, c’ est èn ancyin ptit ban del Walonreye, rebané avou Djedene.

Li viyaedje.
  • Dimanants: 603 (1840); 685 (1910); 643 (1930).
  • Eplaeçmint sol Daegn: 50°02N—4°55'E
  • Sitindowe: 863 ha., ki 554 c' est des bwès.
  • Hôteur: 267 m., so Houye
  • Sipotaedje des djins: les Magots, po les djins d’ Vonneche k’ estént, zels, lomés: Boyons.
  • Canton: Djedene
  • Arondixhmint: Dinant
  • Province: Nameur
  • Payis: Beldjike.
  • Vîs scrijhas: Venecisus mons (Roland); Vennecimont, (1235); Venecimont (1248); Wynchumont (1558); Vinchymont (1501-1503-1505); Vincimont (1532); Vyncimont (1532); Venchimont (1648-1617); Vincymont (1608 à 1673); Vensimont ( 1632-1715-1770 a 1775)
  • Eglijhe, di 1877, stîle neyo-roman.
  • Patron: Sint Lambiet
  • Dicåce: dimegne ki shût l' 17 di setimbe
  • Pelrinaedje a Sint Antoenne, li 13 di djun.

Istwere[candjî | candjî l' côde wiki]

Li viyaedje est dné a l’ abeye di Florene pal famile di Rumigny; passe après al måjhon di Hierges. Les signeurs di Biarin l’ ont yeu a pårti do 16inme sieke.

Li viyaedje a sofrou bråmint des tropes espagnoles et del pesse e 1632 et 1651. Tchårlumont, tot près, n’ a nén amoenné ki des bons vijhéns.

Les vîs redjisses cåzèt des måleurs di Vencîmont al fén do 18inme sieke (djalêye estrawordinaire, e 1788; disboirdaedje di Houye, e 1789, oraedje avou gros gurzeas, e 1789, pômagne, e 1795 et li feu ki ravadje li viyaedje e 1803.)

Al guere di 1914, rén d’ gråve (viyaedje a tchinne, pierdou å mitan des bwès. E 1916, 44 deportés (8 e l’ Almagne et 36 å bwès des Manizes, dilé les Hôts Butés).

A vey[candjî | candjî l' côde wiki]

  • Divant guere, li dicåce esteut l’ ocåzion di danses, come li danse do ramon, li danse des 7 sårts, li danse des tchikes, li caracole.
  • E Bwès l’ abé, dvant l' guere, on pleut co vey les fondåcions do monastere di Félipré, distrût å 13inme sieke.
  • Belès pormoennådes dilé Houye et å Barbouyon.