Aiwe di Vesse
| ||||
|---|---|---|---|---|
| ||||
| Longueur | 60 km | |||
| Hôteur å sourdant | m | |||
| Debit moyén | m³/s | |||
| Sitindêye del vå | km² | |||
| Sourdant | Hôte Fagne | |||
| S' egoline dins | Aiwe d' Oûte | |||
| Passe pa | Almagne,
Walonreye | |||
L' Aiwe di Vesse[1] udon li Vesse (fr: la Vesdre, de: Weser), c' est ene aiwe del Walonreye ki prind sourd sol Fagne di Conse, nén lon des viyaedjes almands di Conse mins todi sol Beldjike.
Coraedje
[candjî | candjî l’ côde wiki]Ele court aprume so Bijhe sol boird do teritwere del Reutxhene (Almagne). Mins asteure, on l' a distourné po n' pus k' ele prinde les mannetès aiwes del Reutxhene. Si dmeure-t ele tofer sol Beldjike.
C' est l' mwaisse aiwe ki vént nouri l' astantche so l' Aiwe di Vesse dilé Neyåw.
Après l' astantche, ele trevåtche les rebanêyès comenes di Neyåw, Limbôr, passe inte Sitimbiè ey Andrimont, pu cori so Vervî, Pepinster, Li Trô eyet Tchôfontinne, et s' aler egoler dins l' Aiwe d' Oûte a Tchêynêye, djusse kékes kilometes divant Lidje.
Elle est 60 kilometes longue.
L' aiwe di Vesse est foirt seure, çou k' a-st aidî l' industreye do testile å 19inme sieke, ki s' astala dins l' vå d' Vesse.
Uzaedje di si aiwe
[candjî | candjî l’ côde wiki]Enute, ses aiwes sont purade eployeyes come boevåvès aiwes.
Po waeranti l' cwålité bacterolodjike des aiwes, on a basti on tchenå, troes kilometes long, po lzès distourner foû do viyaedje del Reutxhene.
Grossès aiwes
[candjî | candjî l’ côde wiki]E 2022, des l' aiwe di Vesse vina foû di s' lét, et distrure ene peclêye di måjhons, aprume so Pepinster.
Aiwes k' agolinèt e Vesse
[candjî | candjî l’ côde wiki]- e l' Almagne :
- e l' Beldjike
- Ri del Dutcheye (Rû dol Dukée) (fr. Helle, de Hill)
- Hoûgne
Sourdants
[candjî | candjî l’ côde wiki]
- ↑ Lomaedje po-z erîler les nos d' aiwe come Aiwe d' Oûte, Aiwe di Lesse, Aiwe d' Eure, tos mots bén acertinés e walon.