Vexhåd
![](http://upload.wikimedia.org/wikipedia/commons/thumb/c/c3/Mustella_putorius_wild1.jpg/220px-Mustella_putorius_wild1.jpg)
![](http://upload.wikimedia.org/wikipedia/commons/thumb/e/e2/Mustela_putorius_wild_stuffed.jpg/220px-Mustela_putorius_wild_stuffed.jpg)
Li vexhåd (on prononce pus coramint vèchau u fichau) u vexheu (on prononce pus coramint viheu), c’ est ene biesse ås tetes del famile des bascolidîs.
Les vexhåds, 20 a 30 cm di longs, sont pus gros k’ les marcotes et les roumenes, mins pus ptits k’ les fawenes les lotes et les mådrês. Il est bråmint pus noer di pwels ki ces-la, copurade so les pates eyet l' cawe. I polèt aveur des pus blancs pwels sol tiesse.
C’ est les cis ki sintèt l’ pus mwais cwand i låtchèt leu nodeur foû des glandes del cawe.
Les vexhåds sont aclevåves, et on les lome adon des furets.
No e sincieus latén : Mustela putorius
Alez s' vey e splitchant motî po des linwincieusès racsegnes so les mots "vexhåd" et "vexheu".
Amagnî et vicaedje
[candjî | candjî l’ côde wiki]I polnut touwer des biesses bråmint pus grosses ki zeles, des poyes et des robetes, metans.
Li vexhåd pout apicî des oûs dins s’ gueuye, et les repoirter e s’ bôre, sins lzès casser.
I fwait s’ bôre dins tere u dins des lignires (tas d’ bwès).
Waerantixhaedje
[candjî | candjî l’ côde wiki]![](http://upload.wikimedia.org/wikipedia/commons/thumb/c/ca/Status_iucn2.3_LC.svg/220px-Status_iucn2.3_LC.svg.png)
Asteure, el Walonreye, on n' pout pus touwer les vexhåds, ni ls epayî. Portant, dins les bascolidîs, c' est ene biesse ki dmeure foirt corante, sins waire di risse d' esse dizindjnêye.