Wernant

Wernant (so plaece: Wèrnont, F. Warnant-Dreye), c' est èn ancyin ptit ban del Walonreye rebané avou Viyé-l'-Boulet.

Limeros del posse :
- asteure : 4530 .
- davance : 4266.
limero diyalectolodjike: H 8; mwaisse pont d' l' A.L.W..
Arondixhmint : Hu

Po l' etimolodjeye et les vîs scrijhas, loukîz e splitchant motî.

No di des plaeces di Wernant

Hamteas

Dreye

Ôtès plaeces

A vey avou des tchamps, des prés et des sårts:
- Li pateure Straile.
A vey avou des åbes et des bwès :
- Li bwès Royé
A vey avou des aiwes :
- Les Buretes (sourdants)
- Les Lådjes (marasseus terén ki s' sitind dvins les campagnes, inte li pateure Straile et l' bwès Royé, et ki rascoye les auwes des Buretes).
- l' Armeya (fontinne)
- li Golete d' ås Lådjes.
A vey avou des dmorances et l' ovraedje des djins.
- li molén d' Toultea (la-minme Toultea) (a Dreye).
- Li cinse di Tchantrinne (a Dreye).
A vey avou l' istwere.
- Li Tombe

Istwere

Divins on foirt vî tins, gn åreut yeu al plaece k' on dit "ås Lådjes" on tchestea k' åreut stî raloyî å ci d' Oûtmont et al cinse di Tchantrinne pa ene sôre di bôme. Li cinse di Tchantrinne a stî dås Cmandeus do Timpe pu dås Cmandeus d' Male.

Industreyes

N aveut ene rapreye. Li pré des Lådjes sierveut d' bassin d' taenaedje. Li pré esteut pårti e troes pa des digues so l' lårdjeur. Les aiwes si stantchént et si raclairixhént tot passant d' on bassin a l' ôte po finålmint cori e ri k' aléve so Dreye fé tourner li grande rowe do molén d' Toultea.

Tuzance walone

Sicrijheus e walon :
- Paul Depas î a vnou å monde.
- Paul Renson î a dmoré.