Yiye et l' yeti (fime d' imådjes)
Abominable
Yiye et l' yeti , c’ est on fime d' imådjes k’ a rexhou e 2019.
Il a stî fwait eshonne pa des Chinwès et des Amerikins, dizo l' tite «Abominable».
Spoûle
[candjî | candjî l’ côde wiki]I gn aveut-st on côp ene båshele del Chine k' åreut bén vlou fé on grand voyaedje. C' est leye k' on lome Yiye.
Po dire li veur, c' esteut ddja s' pere ki vleut fé ci voyaedje la avou leye. Mins il aveut morou divant d' awè polou adiercî s' råvion.
On djoû, Yiye a trové ene biesse nén cnoxhowe k' aveut schiwté evoye d' on laboratwere di schoirçaedje-evike. C' esteut ene sôre di séndje lomé yeti.
Ele li vola aidî a raler dins s' payis.
Ele prinda on batea e stoumeligne, eminant nosse yeti, et co deus ôtes efants. Mins, on moumint dné, il ont stî distcherdjîs pa ene growe ki ls a tipé so on camion. Après des kilometes et des kilometes, il ont toumé djus do camion, et s' ritrover dins l' wastene.
A ç' moumint la, il ont-st ataké li fameus pelrinaedje ki l' popa da Yiye aveut dit.
Ey al fén des féns, il ont-st arivé å Mont Evresse.