Yves Gourdin
Yves Gourdin a skepyî li 24 d' avri 1937 a Bietris ey a morou li 21 di decimbe 2016 a Boudje.
C' esteut on bouteu pol walon, et on rcwereu. Il a eto scrît kékes bokets.
Relî dins l' Antolodjeye Sicrijheus d' Årdene.
Di s' mestî, il esteut infirmî.
Ouve pol walon
[candjî | candjî l’ côde wiki]I cmince pa scrire on franwal sol les mots walons d' Bietris, nosse vî Bietris (FS110).
I scrît eto des volantès foyes sol motlî d' Bietris, mins purade a môde di djivêye pa tinme (motlî des schayires (2 pådjes), vîs mots (2 pådjes et dmey), oujheas et plantes (1 pådje), insekes et pexhons. Ces foyous la, avou si ortografeye a pårt, n' ont nén stî ecôdés dins l' Båze di dnêyes di l' Årdene nonnrece. Dins ;' DTW, i sont rahoukîs sol limero S53.
E 1994, i va rdjonde ene trope di waloneus di l' Årdene nonnrece k' amontèt li soce des rcåzeus del Basse Årdene. I ndè dvénrè prezidint. C' est lu k' ascoye les raploûs del soce a l' Aisse del Tuzance di Bietris. Avou Lucien Mahin, il eredjistere les sovnances di ses voyaedjes foû payis. Les tecses sont lijhåves so l' Aberteke.
Mins, diviè 2002, li soce des rcåzeus bague a Bive. I nel shuvrè nén, et leyî ouve si ovraedje pol walon.
Ene lete e walon po s' moirt
[candjî | candjî l’ côde wiki]Dji vén seulmint d' aprinde li moirt da Ive pal gazete e walon "Singuliers". I m' lait li sovnance d' èn ome foirt amiåve, todi presse a raconter ses aviretes cwand il esteut djonne (Lucyin Mahin, li 16 di may 2017)
Alére
[candjî | candjî l’ côde wiki](fr) Singulîs 1-2017, p. 6 (mot d' adiè avou rapel di s' vicåreye)