Thierry Dumont

Èn årtike di Wikipedia.
Pol discramiaedje des årtikes avou l' mot « Dumont (no d' famile) », loukîz cial.
(2002)

Thierry Dumont, k' on lome pus sovint Tiri, c' est on rcwereu sol walon k' a skepyî li 15 di fevrî 1969. Il a bråmint ovré so l' rifondaedje do walon.

Di s' mestî, il est ratourneu. Si a-t i ovré lonmint po l' Union Uropeyinne a Lussimbork.

Ouve e walon[candjî | candjî l’ côde wiki]

I fourit l' prumî copleu da Lorint Hendschel po bouter so les foyous do Diccionaire di Tot l' Walon, on pordjet enondé pa Djohan Viroux e 1991. E 1992, i fwait ddja tot seu ene saye sol lete N. Pu bouter fer so les B et les C.

E 1996, on l' ritrouve dins les askepieus del soce Li Rantoele, la k' serè tot on tins emantcheu del gazete.

Il fourit, dispu li cmince, al tåvlotêye rifondaedje di l' UCW. C' est lu k' î adjinçnêye li djivêye des nos walons des viyaedjes (1998). Après l' dishonnaedje di cisse comission la e 2000, i va continouwer a-z ovrer so li rfondaedje avou les cis del Rantoele, veyanmint k' il esteut eto al tåvlotêye rifondaedje del Rantoele dispu tot å cminçmint.

Il a scrît on tchapite do live Ké walon po dmwin ?, la k' i dvize des vîs mots walons muchyîs dins li scrîta et k' on pôreut rapexhî pol prôze nén racontrece d' ådjourdu.

Dispu 2005, i scrît eto kécfeye dins l' eciclopedeye Wikipedia e walon.

Hårdêyes difoûtrinnes[candjî | candjî l’ côde wiki]