Warot

warot d' èn ågne k' a deus royes di noers pwels ki s' î croejhlèt (croes do Bon Diu)

Li warot (å pus sovint prononcî a môde francesse : "garot"), c' est l' boket do coir des biesses ås tetes, metou so li screne ådzeu di l' oxhea del sipale inte li hatrea et l' dos (purade eployî ås tchvås et ås vatches).

Antomeye do warot

Imådje:Antomeye warot tchivå chifes.jpg

(côpaedje diviè l' cwatrinme cronzoxh do dos a on tchvå). 1. oxhea del sipale; 2. tinroxh do dbout di l' oxhea del sipale; 3. loymint hatelrece (nier-tindon do dzeu do cô); 4. boûsse aiwrece do warot; 5. Stitcha dosrece do cronzoxh; 6. texhou djondrece

Li pea do warot poite les pwels del fén del caime.

Djusse dizo, gn a ene boûsse ridrece, ki leye rider l' pea dissu les oxheas sins må sins rujhe. Mins, dins les tchvås, s' elle est avindowe d' ene maladeye ou froxheye ditrop, ça dene li må d' warot

Dizo, gn a li dzeu do hôt stitchon schinrece des prumîs cronzoxhs do dos.

On pô pus bas, li tinroxh dizeutrin di l' oxhea del sipale, rashiou sol longou musse do dos.

Maladeyes do warot

må d' warot (tchivå)

Eployaedje do warot

Li reflesse do warot, ås vatches, sieve a lzî fé baxhî subitmint li schene do dos. C' est on tess sinolodjike po ricnoxhe sacwants maladeyes, come li trawant clå el panse.