Foete

Èn årtike di Wikipedia.
Potchî a: naiviaedje, cweri

Li foete, c' est onk des mwaisses organes do coir des biesses et des djins.

C' est la ki les nourixhas, ki vegnnut des boyeas, sont capougnîs dins les celures, po basti totes sôres di materiås biyolodjikes ki l' coir a dandjî.

C' est eto ene glande ki essûne li bîle, ki s' rashonne dins l' amer divant d' egoliner eviè l' duwodenom (prumî boket do ptit boyea).

Wiktionary-logo.svg

Po des linwincieusès racsegnes sol mot "foete", alez s' vey sol Wiccionaire

Discrijhaedje[candjî]

Li foete si prezinte come on macasse organe, brune viyolé, metou dizo l' diyafrague (dirî po les cwate-pates), et tot conte di lu, mins purade sol droete do coir. I tént après pa on court min stocasse atna, li mezo foetrece.

I rçût l' sonk del voenne foetrece ki lyi apoite les nourixhas cotaeyîs dins les boyeas.

Il evoye les prodûts biyolodjikes ås celures pal voenne-cåve dizotrinne ((dirîtrinne po les cwate-pates) ki s' ecdût viè l' gåtche oriyete do cour.

Il evoye eto l' bîle eviè l' amer, pal buzete bîlrece (tchenå coledoke).

Al fén, i rçût l' enairi sonk por lu tourner di l' artere foetrece.

Li coledoke, et les ecdût å sonk vinèt u pårtèt tertos do costé dzotrin (dirîtrin) do foete.

Uzaedjes[candjî]

Dins les dispouyes di djibî ou d' pourcea, li foete est lomé li "deur" (årvier do peumon ki c' est l' "mol").

Li foete des aclevåvès biesses, c' est on santiveus amagnî, k' apoite eto des vitamenes (vitamene A et D, metans). Pår li foete des pexhons (ôle di foete di moruwe).

Sacwants oujheas (åwe, canård) sont forsôlés po ndè rsaetchî do crås foete ou fwecras.

Maladeye do foete[candjî]

A l' otopseye, li sblarixhaedje (pålixhaedje) do foete mostere sovint ene infeccion di tot l' coir (septicemeye).

Valeur essegnrece[candjî]

Imådjreçmint, li foete est rwaitî come li cinte di l' angoxhe et do transixhaedje, pa les Walons, todi (si fé del bîle); mins prins årvierdimint, del djoye (esse pår li foete). Les Arabes, zels, endè fjhèt li cinte di l' amour.

Commons
I gn a so les cmons Wikipedia des imådjes ou fitchîs son a vey avou l' foete .