Jean-Pierre Dumont

Èn årtike di Wikipedia.
Potchî a: naiviaedje, cweri
(e 2003)

Wiktionary-logo.svg

Li Wiccionaire si rsieve di sacwants fråzes da "Jean-Pierre Dumont" po-z enimådjî des mots k' i gn a.

Jean-Pierre Dumont a skepyî a Avene li 29 di decimbe 1944. C' est on sicrijheu di ptits romans e walon.

Onk des prumîs k' a djåzé d' seke sins rastena dins les belès letes e walon.

Il a eto basti ses romans avou des tecnikes di ralaedje en erî, maxhaedje des spoûles di deus diferinnès djins, evnd (davance, les romans e walon estént sovint cronolidjikes, avou on seul mwaisse persounaedje).

Ses spoûles si passèt kécfeye el Walonreye, mins eto foû payis (dins les Carayibes, el Hongreye, evnd).

Djan-Pire Dumont al Djournêye des belès letes e walon a Hu k' il adjinçna e 2004
Jean-Pierre Dumont (a hintche) ki tént l' drapea walon a l' Elizete

Ses noveles ont stî aprume eplaideyes sol Daegntoele, sol waibe l' Aberteke. Adonpwis, e 2005, i fwait rexhe ene ramexhnêye di ses noveles, "Contes di m' payis et d' co pus lon". Cist ovraedje la a rascodou l' Pris del Kiminålté francesse di 2006.

Djan-Pire Dumont a eto scrît del prôze nén racontrece, metans sol Hongreye.

Come bouteu pol walon, il a rmetou do walon dins l' soce culturele di HuLi Coirneu”: adjinçner ene cåkêye di shijhes walones, k' ont stî tertoes ecasetlêyes e videyo; renonder li Pris Joseph Durbuy, et mete so pås so fotches les prumirès djournêyes des belès letes e walon (2004).

Pol moumint, i boute so ene antolodjeye des scrijheus e walon do Payis d' Hu. Pol prumî côp dins les antolodjeye, les notûles biyografikes sont eto ratournêyes e walon.

Il a eto scrît so Augustin Vermer dins l' rivowe "Ardennes wallonnes".

Gn a des ôtres waloneus ki s' lomnut "Dumont".

Les pus belès noveles da Djan-Pire Dumont[candjî]

  • Mignolet.
  • Zoly est moirt.
  • Li dierin de Carayibes.
  • Nanete.

Hårdêyes difoûtrinnes[candjî]