Li Soverdea (gazete)
Li Soverdea (ki si scrît Lë Sauvèrdia), c' est ene rivowe del soce di scrijheus "Les Soverdeas d' après Djodogne", k' eplaide des belès letes e walon. Li no provént do lomaedje do moxhon d' toet dins l' payis d' Djodogne.
C' est des foyous tapés al machine, enimådjîs di des ptits dessins å croyon. Gn a 10 limeros tos ls ans.
[candjî] Istwere
Li Soverdea aveut ddja stî enondé e 1892 pa Edmond Etienne. Mins s' n' aveut i duré k' èn an.
Li rvowe a riskepyî e 1983, dabôrd ki li Noer Boton vineut di stater.
Dispu li cmince, li mwaisse-eplaideu a stî Henri Lerutte, eyet li penleuse, Germaine Massart. Dispu les anêyes 2000, c' est bråmint Jean-Jacques Gaziaux ki s' ocupe do secretariat.
Dispu 2007, c' est lu k' est ossu mwaisse sicrijheu. Ci n' est k' d' adon ki l' tapaedje passa do sistinme del viye machine a scrire, a on aspougnaedje di tecses. I va divni mwaisse sicrijheu a cmincî do l° 242 (moes d' fevrî 2007).
[candjî] Antolodjeyes aparintêyes
Les scrijhaedjes do Soverdea ont siervou d' soûmint a deus antolodjeyes a tinmes, ramexhnêyes pa Jean-Jacques Gaziaux :
- Nos campagnes, sol tinme do vicaedje dins les cinses (1998).
- Vey voltî, sol tinme des hantaedjes et do mariaedje (2002).
