Live da Remacle so les mots walons di dvant 1600
 |
Cisse pådje ci n' est co k' on djermon, dj' ô bén k' el pådje est co trop tene et s' divreut ele ecråxhî ene miete.
Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions). |
Li live da Remacle sol datåcion des mots walons di dvant 1600, ki s' vraiy tite e francès, c' est La différentiation dialectale en Belgique romane avant 1600, c' est on live sol walon sicrît pa Louis Remacle dins ses vîs djoûs.
I rprind tos les ponts k' i nd aveut ddja djåzé dins ses lives di dvant, pacô tot ls ecråxhant, pacô tot si rcoridjant.
I fwait moussî eto tote ene cåkêye di dnêye des tezes k' il acvierna sol sudjet.
Li live s' ocupe eto des ôtes lingaedjes do payis del Beldjike romande, li picård eyet l' gåmès.
Il a stî eplaidî pa Droz, a Djneve, e 1990, dins l' coleccion del Fak des letes di l' Univ di Lidje.
[candjî] Såme do live
Li såme do live, c' est d' mostrer ki l' walon egzistêye beazebén dispu aviè 1100, et vey cwand çki les diferinnès piceures del langue aparexhèt, pitchote a midjote. Eco mostrer li cminçmint di l' adire k' i gn a enute inte les diyalekes do walon.
Li soûmint po decider d' tot çoula, c' est les scrijhas di sacwants mots dins li scrîta.
[candjî] Bokets ahessants po li rfondaedje do walon
Gn a bråmint des plaeces ki les rfondeus s' î rtrovèt :
- betchfessî å : p. 38-42.
- cawete -aedje & betchfessî ae : p. 47.
- candjaedje e A del voyale del prumire sillabe : p. 52-53.
- cawete -î & cawete -ire : p. 53-56.
- betchfessî ea : p. 59-61.
