Rimouye

Èn årtike di Wikipedia.

Po des linwincieusès racsegnes sol mot "rimouye", alez s' vey sol Wiccionaire

Ene rimouye (on dit eto: soreye, soriaedje, curaedje), c' est, å cmince, ene plaece avou on bea waezon, metowe a costé del måjhone.

Vîs et noûs sinses[candjî | candjî l’ côde wiki]

Mete li bouwêye al rimoye, c' est li stinde so ci yebe la, eyet l' rifrexhi avou on rmouyoe, po k' i soeyexhe bén blanc, pu les leyî rsouwer. On dit eto: mete al soreye, mete a rive.

Li tecnike a disparexhou diviè les anêyes 1960.

Pa stindaedje, dispu 1975, on va lomer eto rimouye les stindêyes di yebes k' i gn a åtoû des belès måjhones, et k' on rtaeye tos les moes.

Did la, ene rimouye, c' est eto li yebe d' on terén d' fotbal. Ça pout esse avou del yebe årtificiele.

Alére[candjî | candjî l’ côde wiki]

Tuzaedje fotant so l' etertinaedje d' ene rimouye : «Cwand l' Bon Diu vout sawè cwè», ratourné pa Willy Marchal, Li Rantoele 69; bontins 2014.