El Bourdon (gazete)

El Bourdon, c' est ene gazete e walon ki parexhe tos les moes dispoy setimbe 1949.

C' est purade des scrijhaedjes di belès-letes.

Les Eplaidreyes do Bourdon editnut des lives sicrîts pa les cis ki metnut leus bokets dins ç' gazete la.

Lomaedje

Si no provént do spot del grosse clotche do cloke-poite di Tchålerwè. On dessén di ç' befrwè la avou l' cloke padvant a dmoré dessiné so tote el prumire rîlêye del gazete.

Istwere

El Bourdon fourit metou en alaedje pa Félicien Barry, ecoraedjî pa Henri Van Cutsem, po-z eplaidî des tecses di belès letes e walon di scrijheus d' Tchålerwè et co d' ôte pårt, et eto dner des noveles (e francès) des boutaedjes pol walon dins l' Hinnot, dins l' Roman Payis, et co pus lon.

Cwand i parexhe, on dit k' i zûne (come li Moxhon d' Ônea et li Viye Sprewe xhuflèt). I vude tos les moes.

E 2004, i s' a etroclé avou l' Moxhon d' Ônea, mins tot wårdant tchaeke si tite.

E 2007, il a fwait parey avou l' gazete e picård "No boutique".

Mins l' etinte ni tént ki kékes anêyes. E 2012, li «Moxhon» ridvént ene gazete a pårt.

Lingaedjes

Èl bourdon est sicrite e troes lingaedjes : e walon, e picård ey e francès.^[1] Tot rwaitant les prumîs lingaedjes, les oteurs scrijhnut avou l' ortografeye k' est l' pus djondant d' wice k' is vicnut. Adon, pol walon, les scrijheus uznut voltî li sistinme Feller. Pol picård, c' est puvite do Feller-Carton.

Imprimeus do Bourdon

Aprume, c' est Félicien Barry ki l' a-st imprimé divins si imprimreye. C' est ene cogne A4 avou do papî d' gazete. Tchaeke limero a ene coviete diferinne, mins todi so on cåde avou l' poite-cloke di Tchålerwè (et l' grosse cloke lomêye «El Bourdon») dissu, a hintche. Eyet l' malton ki s' enûle dins l' coine ådzeu, divant l' tite : «el bourdon», et l' sortite «d'Châlèrwè èt co d'ayeûr».

Adonpwis, il a stî a stî imprimé pa l' Imprimreye Scaillet, di Montniye-Tiyoû. C' est l' coleccion avou ene coviete di cwårton et do papî d' silabusse. El dessén del coviete, c' est èn amineu ki tént l' mårtea et fé aler on drapea, avou les cawoûtes des oujhenes padrî. L' årtike «el» eyet l' mot «bourdon» prindèt des grandès letes «El Bourdon»

Onk des prumîs limeros insi, c' est li 293, di fevrî 1977. Onk des dierins, li 371, do d' decimbe 1984.

Il vudive adon a cwénze cints egzimplaires.

Li novele cogne, pus ptite (c' est d' l' A5) kimince dandjreus après. Li limero 452 date do moes d' djanvî 1993. Li tite ridvént e ptitès letes, avou èn accint so l' årtike: «èl bourdon».

Sacwants bouteus pol Bourdon

Vîs limeros aberwetåves

Ces vîs limeros ci do Bourdon ont stî sinkés a Lucyin Mahin pa Danielle Trempont. Il ont stî riscanés pådje pa pådje pa Thierry Dumont et bråmint rashonnés pa Gaston Wilvers.

limero	Anêye	moes	Scanaedje do limero
1	1949	setimbe	limero 1
2	1949	octôbe	limero 2
3	1949	nôvimbe	limero 3
4	1949	decimbe	limero 4
13	1950	setimbe	limero 13
14	1950	octôbe	limero 14
15	1950	nôvimbe	limero 15
17	1951	djanvî	limero 17
18	1951	fevrî	limero 18
21	1951	may	limero 21
22	1951	djun	limero 22
25	1951	setimbe	limero 25
26	1951	octôbe	limero 26
27	1951	nôvimbe	limero 27
30	1952	fevrî	limero 30
32	1952	avri	limero 32
34	1952	djun	limero 34
37	1952	setimbe	limero 37
38	1952	octôbe	limero 38
39	1952	nôvimbe	limero 39
40	1952	decimbe	limero 40
188	1965	avri	limero 188
189	1965	may	limero 189
190-191	1965	djun-djulete	limero 190-191
192	1965	awousse-setimbe	limero 192
198	1966	måss-avri	limero 198
199	1966	may-djun	limero 199
200	1966	djulete-awousse-setimbe	limero 200
201	1966	octôbe-nôvimbe-decimbe	limero 201
205	1967	avri	limero 205
207	1967	djun-djulete	limero 207
208	1967	awousse-setimbe	limero 208
210	1967	nôvimbe	limero 210
211	1967-1968	decimbe-djanvî	limero 211
212	1968	djanvî-fevrî	limero 212
216	1968	djun	limero 216

Hårdêyes difoûtrinnes

Sourdant

1 2 3 Fauconnier, J.-L. et al. (2021, moes di djun). El bourdon, l° 757.

[:0-1] 1 2 3 Fauconnier, J.-L. et al. (2021, moes di djun). El bourdon, l° 757.

[1]