Dominique Vanderstoken

Skepiaedje	1î d' avri 1961, Tchålerwè
Nåcionålité	Bedje
Activités	scrijheu

WIKIDATA

Dominique Vanderstoken, c' est on scrijheu e walon k' a skepyî a Tchålerwè li 1î d' avri 1961.

Ouve pol walon

A cmincî come teyåtreu al dramatike «Les Walons dvant tot» di Dårmè.

Il a djouwé eto sacwantès pîces e ceke «l' Oasis» di Mårciene, eyet, on côp, po les fiesses di Waloneye Tchålerwè (2004), dins : «C' est ådjourdu dimegne».

Il est mimbe di l' A.L.W.A.C. dispu l' moes d' djun 2000.

Adon, i s' a metou a scrire. Ses scrijhaedjes parexhnut dins l' Bourdon.

Il a ossu scrît onk des tchaptrês do live di sovnances «Aviretes et glawinreyes».

Temognaedje

Quand dj'é trouvè 'n' place èyu c' qui dji d'veus travayî à pôses, i n' asteut pus possibe di yèsse à toutes lès rèpèticions, çu qui n' èst nén ôji pou lès soçons. Adon, djé d'vu arètér l' tèyâte, d'ostant qui, à c' t-eûre, dj'é dès rûjes pou pèstèlér. I gn' a pus jamés qu' in role di d' in mèzalè qui poureut co m' conv'nu, pusqui, dji n' sâreus pus fé lès displac'mints d'ssus l' sin.ne ôssi râde qu' i fôreut !

I fôt dire qui, dji scrîjeus d'jà d'vant d' arètér l' tèyâte. Dj'é scrîs étou an francès, in tecse su lès sins-abris, qui Claudine Mahy (Mémé Loubard) a r'pris pou fé " El R.A.P. dès S.D.F.".

Dissus sès consèyes, dj'é passè m' ègzamin à l' SABAM, çu qui pèrmèt di m' èr'toûrnér si 'n' saquî vénreut à prinde yin d' mès tècses pou l' fé passér pou l' cén !

Dji sûs toudis d' acôrd pou pârticipér à ène èmission ou à tout c' qui pou mète èl walon an valeûr. Si ça vos dit , vos p'lèt toudis m' tèlèfonér, dji m' f'ré in pléji di fé vo con'chance ! Quand yeûne di mès prôses èst luwe ène sadju , i fôt toudis mancionér qui c' èst mi l' ôteûr'.^[1]