Nicolas-Joseph Grisar

Nicolas-Joseph Grisar, c' est on scrijheu e walon, onk des prumîs pol payis d' Nameur.

Di s' mestî, il esteut curé.

Ouve

Il a scrît des hagnantès tchansons, bråmint disconte li redjime otrichyin pu francès.

I n' sinéve nén ses tchansons. C' est l' istoryin Adolphe Borgnet (di s' no d' pene Jérôme Pimpurniaux) k' acertina ki ces ouves la estént bén d' lu.

Cwate di ses tchansons

I nd a dandjreûs scrît dpus mins po ces-lales, on-z a l’ idêye ki c’ est bén da lu.

• Li Tchanson patriyotike namurwesse tote novele di 12 estrofes a stî scrîte e 1787.
• Ene drole di tchanson di 5 estrofes date ossu di 1787.

Les deus tchansons ont stî adjinçnêyes conte l’ Intindance (Djôzef II aveut pårti les Bas Payis otrichyins a nouv cekes po ls administrer.

• Cwè, vla ddja nos volontaires

Vicåreye

On n' sait nén cwand ni wice k' il a vnou å monde.

Di 1777 à 1779, il esteut professeur dins l' classe di powezeye e Rweyå Coledje di Nameur (l’ Atenêye d’ asteure). Mins i s’ disrindja.

Ça fwait k' on l’ evoya a Hal po l’ pûni.

Rivnou a Nameur, come i rtome dins ses mwaijhès abitudes, i doet dimissioner e 1782.

Lomé curé e l’ pårotche Sint-Nicolai (li pus pôve di Nameur), il î fwait bén s’ bouye, shonne-t-i, di 1785 à 1795. C' est a ç' scrît ses tchansons à ç’ momint la, pinse-t-on.

Adon-pwis, il è va è Roman Payis (k’ esteut diyoceze di Nameur), et-z î rinde l’ åme e 1796 a Lane-Tchapele-Sint-Lambiet.

Noste ome esteut boigne.

Corwaitaedje di si persounålté

Vola on curé k’ a studyî les letes classikes et ki s’ mete so l’ trexhe di scrire e walon. Douvint ? A-t i vlou scrire come ses pårotchîs cåzént ?

Tantea k’ non seulmint i scrît e walon, mins i scrît on plat walon, crås et grossî.