Adolphe Adolphy
.jpg)
| Skepiaedje | 6 di djanvî 1874, Vervî |
|---|---|
| Moirt | 27 di fevrî 1949 |
| Activités | scrijheu, fonccionaire |
Adolphe Adolphy, di s' plin no, Gaspar-Adolphe Adolphy a skepyî a Vervî li 6 di djanvî 1874. Il a morou li 27 di fevrî 1949 a Icsele.[1]
C' esteut on grand scrijheu di pîces di teyåte e walon. I scrijha eto des arimés.
On a djouwé ses pîces dipus d' meye côps[2].
Riprins, come di djusse, dins l' Antolodjeye des powetes e walon d' après Vervî.
Di s' mestî, il esteut fonccionaire del comene di Vervî (buro des afwaires militaires).
Ouve pol walon
[candjî | candjî l’ côde wiki]E e 1890, il atake a scrire des powinmes, eplaidî cial et la dins les gazetes di Vervî. Mins i n' ont måy sitî rashonnés.
I n' kiminça avou l' teyåte k' e 1903.
Sacwants pîces
- Hantreye (hantreie, pîce arimêye d' èn ake) (1903)
- Vijhnaedje (wèsinège, pîce arimêye di troes akes) (1904, eplaideye 1905)
- Li bon pårti (lu bon porti, pîce arimêye di troes akes) (1906)
- Pice-crosse (pisse-crosse, pîce arimêye di troes akes) (1908)
- Luçon d' amour (lèçon d'amour, comedeye arimêye, deus tåvleas, 1908).
- Åtoû d' èn eritaedje (autou d'on hèritège, comedeye e 3 akes 1909)
- Baligand (comedeye e 3 akes, 1909)
- Li ptite cuzene (lu ptite cusène comedeye e-n èn ake 1911)
- Feye d' ovrî (fèye d'ovri, pîce e 3 akes, 2012)
- Li meyeu sôr (lu meyeu sort, comedeye e 3 akes, 2012)
- Po les femes (po les femmes, comedeye e 4 akes) (1913)
- L' amour waitive (pîce rimêye di 3 akes)
- l' esprouve (pîce d' èn ake)
- Måle cane (pîce d' èn ake)
- Li boune tchuze (pîce di 3 akes)
- Li djudje (pîce di 3 akes)
- Bebele et Trinete (Bèbèle èt Trinète, 1928)[3][4][5].
Djudjmint di si ouve
[candjî | candjî l’ côde wiki]Tote ses pîces ont stî prumêyes do govienmint, apus ki "Feye d' ovrî", motoit djudjeye revintiveuse[6].
Dofe Adlofî a stî rmetou a Marivaux. Sacwants d' ses pîces rishonnèt les sûteyès bates di dvizes des comedeys d' Alfred de Musset[7].
Mins i n' a nén stî rprins dins l' live critike Piron so les scrijheus e walon.
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Adolphe Adolphy po-z enimådjî des mots k' i gn a.
Vos trouvroz des racsegnes so les ouves da Adolphe Adolphy, u les ouves zeles-minmes, so Wikisourd e walon.
Sourdants
[candjî | candjî l’ côde wiki]- ↑ racsegne d' ene waibe di djeneyalodjisse (trovêye pa Gaston Wilvers).
- ↑ Motî biyobibiografike des scrijheus e walon
- ↑ pådje di gåre di "Po les femes".
- ↑ Cataloke Limpreur l° 1053-1059.
- ↑ Diccionaire Coppe-Pirsoul
- ↑ Jean Wisimus, adrovaedje di s' boket divins l' antolodjeye di Vervî, p. 384.
- ↑ Jean Wisimus, come cial ådzeu.