Amand Géradin

Èn årtike di Wikipedia.
Sauter à la navigation Sauter à la recherche

Amand Géradin, c' est on scrijheu d' arimés e walon ki provneut d' Amsin.

Il a cmincî a scrire e walon e 1927.

Il nd a-st eplaidî e 1930 ene ramexhnêye, sol tite "Prumire fornêye".

Come Jean de Lathuy et Joseph Mignolet, il a dandjreus stî veyou evi, pask' il esteut foirt camaeråde avou les recsisses.

Prumî scrijhaedje[candjî | candjî l' côde wiki]

Si prumî scrijhaedje mostere bén l' assaetchance k' il aveut avou li movmint foirt catolike k' aléve divni li pårti "Rex", pårti do Criss Roy. I s' lome "Dispoy todi". Il est dicåçté a ses plankets di l' A.C.J.B. (accion catolike des djonnes Bedjes ?).

Dispoy todi ...
Dispoy todi, dvins nos måjhones,
Li Criss est pindou dzeu l' djivå;
Cisse coulêye n' esteut nén walone
Wice k' on n' veyeut li Criss nole pårt.
A l' faxhe, nos l' avans ddja veyou;
E nosse gadot, ns l' avans cnoxhou ;
Et so leus schôs, hoslés d' paskeyes,
Nos oyîs nos mames tchanter s' veye.
Cwand ele edåme on pan, mi mame,
So l' dorêye crosse, grete ene blanke croes ;
Et cwand s' fier ås galets, dzeu l' blame,
Ecråxhî, manceye do prinde feu,
Del påsse, ele croejhlêye deus toirtchetes;
Ele vis les rostixh e catchete;
Ele toûne si fier et pu, d' adroet,
So l' tåve ele fwait potchî ene rodje croes.
Viyès croes ki drovèt vos bresses,
Divins nos bwès, ås creus d' nos voyes,
Vos m' f'oz rapinser les djoûs d' fiesse,
Djoûs d' on clair solo k' est evoye.
Ca les mwins k' ont taeyî vos pires
Si rdjondît sovint po l' priyire.
Et nos tåyes ki les ont croejhlé
Si vnît sovint mete a djnos dlé.
Come li sôdår poite si banire,
Come li clokî dresse si cocrê,
Nosse bon vî Peron stitche e cir
Li croes: enon, pa, k' Il est bea
Li Criss, Roy, e mitan d' nosse veye ?
Tchante lu tofer, tchante lu, Peron:
Todi divins nosse Walonreye
Li Criss fourit Roy des Walons.

Hårdêye difoûtrinne Mwaisse modêye di l' arimé "Dispoy todi" (so l' waibe "Li walon d' emon nozôtes")

Sources[candjî | candjî l' côde wiki]

  • BALAND Lionel, Rex en wallon : Joseph Mignolet et Amand Géradin, in : Bulletin d’information du Centre Liégeois d’Histoire et d’Archéologie Militaires, Centre Liégeois d’Histoire et d’Archéologie Militaires (CLHAM), Liège, 2017, n°141, p.65-70.