André Dhôtel

André Dhôtel, c' est on scrijheu francès. André Dhôtel a vnou å monde li prumî d' setimbe 1900 a Attigny (dipårtumint francès des Årdenes) et mori l' 22 d' djulete 1991 a Paris. Il a scrît des romans, des contes, des noveles eyet del powêzeye.

Li pus fameus d' ses romans, c' est Le Pays où l'on n'arrive jamais ("Li payis la k' on n' î arive djamåy"), k' a yeu l' pris Femina l' an 1955. Mins a pårt ci live la, il a co scrît beacôp des ôtès afwaires ki n' ravizèt k' a lu, eyu ç' ki l' veye di tos les djoûs riftêye sovint l' merveyeus. Li nateure eyet l' tere djowèt on grand role eto, aprume li cene di s' payis d' inte l' Årdene eyet l' Tchampagne.

Li måjhon (sipotêye "Li blanke måjhon") adlé Attigny eyu ç' k' André Dhôtel rivneut po scrire après awè pris s' pinsion des scoles.

C' esteut ossi on fén cnoxheu del Grece d' ayir et d' ådjourdu. Après awè bråmint cnoxhou des trevén d' disbåtchance, il a tchoezi do viker on vicaedje tot simpe et do s' mete al schoûte do monde po scrire si ouve.

Hårdêye difoûtrinne

Corwaitaedje e walon di si ouve (sol waibe «Amon Lorint»):

• Un soir..., da André Dhôtel
• Li payis la k’ on n’ î arive djamåy – da André Dhôtel