Maissin
Maissin (e walon come e francès), c' est èn ancyin ptit ban del Walonreye, rabané avou Palijhoû.
- Limero del posse: 6852 (vî limero 6913)
- Limero diyalectolodjike: Ne 22
- Arondixhmint: Li Tchestea.
- Eplaçmint sol Daegn : 49°58'00 N - 5°10'55 E.
- Sipotaedje des djins : les Zoumes (les omes, prononcî come la-minme).
Po l' etimolodjeye et les vîs scrijhas, riwaitîz dins l' esplicant motî.
No di des plaeces di Maissin[candjî | candjî l’ côde wiki]
Hamteas[candjî | candjî l’ côde wiki]
- a l' Almoenne (so plaece Almwinne).
Ôtès plaeces[candjî | candjî l’ côde wiki]
Rilidjon[candjî | candjî l’ côde wiki]
Eglijhe dinêye a l' abeye di Sint-Houbert e 815, pu ki passe a l' abeye di Prûm e 1083 come discandje avou Tchvigni. Adonpwis, ele rivént a l' abeye di Ståvleu.
Djeyografeye[candjî | candjî l’ côde wiki]
L' Aiwe di Lesse fwait limite inte Maissin eyet Viyance et Transene.
Istwere[candjî | candjî l’ côde wiki]
Antikité[candjî | candjî l’ côde wiki]
L' ocupåcion rominne est acertinêye pa in mårtea d' silesse, a 8 pans, rimetou å Muzêye d' Brussele pa M. Dubois.
On cåze d' måjhon rominne (Mansio Meatus) al plaece lomêye "Ramê", dizo l' viyaedje, dilé l' voye di Pwès. Gn åreut eto ene cimintire rominnes avou on tomboe do costé d' l' Almwinne.
Moyinådje[candjî | candjî l’ côde wiki]
E XIII° s., Maissin ere el Dutcheye do Lussimbork. E 1334, i rivna al måjhon du Viyance, et-z î dmorer.
On vout k' i gn aveut on viyaedje, disparexhou diviè 1678, e-z alant so Our, ådzeu do ban d' Fouyi, et lomé "Bûtea" (Butê, F. Buteaux).[1]
Les batreyes di Maissin[candjî | candjî l’ côde wiki]
Li semdi 22 d' awousse 1914, Maissin a veu li prumî rescontraedje etur les Burtons do 11° C.A. francès et li XVIII° coir almand di Hesse. Il a falou l' arivêye do XVIII° Coir di rzieve po vni a bout des Francès.
Ci semdi la et li nuteye ki shuveut, c' est 3-4.000 Francès et 3-4.000 Almands k' ont dmoré sol cwårea.
Et c' est l' avance des Almands so Anloe k' a fwait rescouler les Francès.
Avey[candjî | candjî l’ côde wiki]
Li Pont Mareye-Tereze[candjî | candjî l’ côde wiki]
Metou inte Viyance et Maissin, il a stî basti do tins des Årtchidiks Albert et Zabele. C' est par la kel viye voye di Lidje a Sdan passéve.
Li çmintire burton[candjî | candjî l’ côde wiki]
Li çmintîre Pierre Massé rashonne dispu 1932 tos les sôdårds moirts di Maissin, mins ossu les cis di Poitchrece et di Bive.
Li comene di Trévoux el Burtaegne a-st ofrou li calvaire burton k' est a l' intrêye del cimintire. Tos les ans, å moes d' awousse-setimbe, on côp a Maissin, on côp a Anloe, Almands et Francès vnèt rinde bon dvwer a leus moirts.
Gn a la ene plake k' est scrîte e lingaedje burton.
-
Intrêye (1° -
Intrêye (2) -
Foto d' ene plake e burton so l' aitre Militaire -
Plake avou les moirts eterés a Maissin -
Monumint so l' aite -
Ene tombe di Francès
Tuzance walone[candjî | candjî l’ côde wiki]
Documints[candjî | candjî l’ côde wiki]
Ricwerances so les nos d' plaeces di Maissin : Marie-Thérèse Braun, Toponymie de la commune de Maissin, Memwere ULg, 1956.
L' accint do walon[candjî | candjî l’ côde wiki]
C' est l' prumî viyaedje la k' les rwaitants di l' indicatif erirece si fjhèt avou -at (a Transene, c' est -èt).
- A Maissin, cand i l' dijat, i l' fijat (A Maissin, cwand i l' dijhèt, i l' fijhèt).
Li mot "ome" a come disfondowe oume (la eto, c' est l' prumî viyaedje, e vnant d' Viyance u d' Transene, k' on rescontere ci prononçaedje la). Did la li spotaedje des djins, pa riscôpaedje, lès-oumes => les "Zoums".
Hårdêye difoûtrinne[candjî | candjî l’ côde wiki]
- ↑ (Racsègnes du l'Abé JB Christophe du 16 avril 1891, divins : Tandel, Les communes luxembourgeoises, Årlon - 1893.