Arganî

Èn årtike di Wikipedia.
Potchî a: naiviaedje, cweri
Gros arganîs et des gades dilé
Argania spinosa

L' arganî, c' est èn åbe ki n' vént ki dins ene contrêye do Marok, sol divanteure atlantike, d' on pô a Bijhe d' Essawira, et disk' a Taroudant.

I dene on frut ki rshonne a ene olive, k' on lome l' argane.

Li frut est magnî voltî des gades, ki gripèt so l' åbe. Mins ele ni didjerèt nén li djaeye k' est ådvins. Les gadlîs les rascodèt dins les petales, et les vinde ås comere k' ont des moléns d' pire.

Dins les coperatives, on n' eploye nén les djaeyes d' argane ramassêyes des hierdîs. On code l' olive so l' åbe, li leyî souwer, la kel schafiote va ratchitchî. Adon, el siplitchî.

Li djaeye d' argane est adon spatêye, et ndè rexhe foû l' amande, ki va esse broyeye dins les moléns d' pire, po fé di l' ôle d' argane.

L' arganî esteut on mancî åbe. Mins dispu ki l' ôle d' argane a divnou foirt ricwerowe, on respectêye mî les bwès d' arganî k' egzistént dedja. Et ndè rplanter des noveas, so des tchamps di ptits cinsîs, po ki lzès disfindexhe disconte des berbis et des gades tins del crexhince. Po çoula, i rshuvnut l' aidance di soces nén recwårlantes ki lzî bayèt les plants.

Hårdêye difoûtrinne[candjî]