Article 214 (tchanson e francès)

Article 214, c' est ene tchanson e francès k' a stî scrîte e 1914 pa Marie-Jean-Baptiste-Henri Malfait.

Elle est mî cnoxhowe pa l' incipite do resploe «elle est toujours derrière».

L' air a rsiervou po fé ene håvlêye di tchansons, tantea k' on l' pout mete po on timbe.

Egzimpes di redjårbaedjes e walon

Tchanson sol gripe chinwesse

E 2020, Willy Marchal sicrijha on radaptaedje (2020) pol copinreye «soce Julos B.» di Rotchfoirt.

Vola ene modêye pus lådje-eployåve

I.

El Chine, il ont come frontire li muraye

Mins l' cron virûsse po nos vni fé margaye

A prindou l' busse, les avions, l' tédjévé,

Rén k' po nos fé bisker.

Resploe

Nos dmorrans e l' gayole, gayole, gayole

Cwand l' Corona n' serè pus k' on sbara,

Nos fiestixhrans çoula.

II.

La wice k' i passe, i nos fåt tot rnetyî;

Laver ses mwins, shofler s' nez dins l' papî.

Pus kession di dner on betch ås soçons;

Les fåt rwaitî did lon.

Resploe 2

Reclôs dins nosse gayole, gayole, gayole

Cwand l' gripe chinwesse ni srè pus k' on spawta,

Nos fiestixhrans çoula.

III.

Pa l' fåte d' on mannet virûsse mårletchî,

I n' est vormint pus kession d' voyaedjî.

Si rashonner, il è fåt poirter s' doû.

Endè srans dj' cwite on djoû?

Resploe 3

Resseré e l' gayole, gayole, gayole

Cwand l' cron virûsse ni srè pus k' araedja,

Nos fiestixhrans çoula.

IV.

Come on a l' tins, on boute divins s' corti,

On lét çou ki, sol Daegntoele, on pårtit

On telefone ås parints, ås soçons;

On a l' televuzion.

Resploe 4

Retrôclé dins s' gayole, gayole, gayole

Cwand l' cron virûsse serè moirt do mora,

Nos fiestixhrans çoula.

Loukîz a : Ôte modêye vaici