Assounance

Ene assounance u axhiltance, c' est on rimaedje ki n' va nén djusse mins ki soune ene miete del minme façon.

== Dins Dins l' viye powezeye e walon, gn aveut bråmint des assounances.

Gn a des rimaedjes ki polnut esse des assounances s' i sont prononcîs avou on metou accint, et des vraiyès rimes dins èn ôte accint.

Metans : "sô" & "så"; "pô" & "på" u "På"; "få" u "fås" et "fô" seront des simpès assounances so l' Årdene et a Lidje, mins ene boune rime a Nameur et Tchålerwè). C' est eto des pwaires minimoms.

Egzimpes d' assounances

• Dins "Simon li Scrinî" :
  • "bague" et "rade"
  • "boûsse" et "noûf"
  • "dimande" et "djambe"
• Dins les prumîs arimés da Lucyin Mahin

Mins l' djoû dvant les Floreyès Påkes,

On pexheu a veu floter åk

Å mitan d' l' astantche des Troes Sås,

Et i n' esteut ni fô ni sô :

C' esteut l' Mårtén k' esteut neyé ...

Taiss k' åy, nos parints n' s' inmèt waire

Nozôtes, non pus, dji nd avans d' kère.

Egzimpes d' assounances e rfondou ki sont des vraiyès rimes ezès walons coinreces

• La ki l' betchfessî ô si prononce /ɔ̃/ (on)

Padrî l' trô

Do tasson

L' ci ki vént ås pemes a Tchanmont.

• La ki l' betchfessî ô si prononce /oː/ (au)

Ås femes, ça n' pôrè fé beacôp

Ni bén, ni må.

• La ki l' betchfessî én si prononce /ɛ̃/

Matante Ketlene esteut ladvins

Ki fjheut on bon batisse å vén.