Buhô

Buhô (on dit pus sovint  : a Bhô, prononcî a P'hô, Fr. Beho, almand Bochholz) est èn ancyin ptit ban del Walonreye, e payis lussimbordjwès cåzant, rebané avou Gouvi, el province do Lussimbork.

eglijhe

Mwaissès dnêyes

• Limeros del posse : 6672 (nén candjî)
• Limero diyalectolodjike : B 34
• Arondixhmint : Bastogne

Lingaedjes

• Lingaedje do payis:
  • lussimbordjwès (lomé «platt» pa les cåzeus) a Bhô, Defel et Oûte; mins gn a pus waire di djåzeus.
  • walon a Cmanster.

No di des plaeces di Bhô

Hamteas

• Cmanster.
• Defel (Deyfeld).
• Oûte (fr: Ourthe, lb: Ourt)

Ôtès plaeces

• Lager Beho (Basse Buhô)

Istwere

Dizo l' Ancyin Redjime, les teres di Bhô estént pårteyes inte li Coû d' Tomen eyet l' Conteye di Såm, mins Defel esteut on fî del signeurreye d' Ouren.

Inte 1830 et 1920, Buhô fourit li seu viyaedje bedje tîxhon-cåzant foû do payis d' Årlon, mins les djins avént-st aprins l' walon po djåzer avou les cis di Cmanster, k' a stî on boket del kimene di Bhô disk' e 1977.

Dispu 1930, li madjorité s' a rclamé francofone oficirmint.

Di 1940 a 1944, Buhô, mins nén Cmanster a stî tchôkî d' foice dins l' 3inme Reich.

Tuzance walone

Christian Thirion, on scrijheu et bouteu pol walon, î dmeure.

A vey

L' eglijhe avou l' clotchî a balusse, et des åtés scultés pa J.G. Scholtus di Bastogne di 1713 a 1724. Pondous e stîle rococo.

Les rcoloriaedjes ont stî fwaits e 1956 pa L.M. Londot.

Hårdêye difoûtrinne

• Vizite di l' eglijhe di Bhô (sol Tévé walon-cåzante)
• Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye avou l' accint do «platt» di Bhô pol Djåzant atlasse éndjolike des lingaedjes di France et d' avår la.