Tcherdon d' tchamp

Pol discramiaedje des årtikes avou l' mot « tcherdon », loukîz cial.

Li tcherdon d' tchamp (on dit eto : tcherdon di tchvå, blanc tcherdon), c' est ene sôre di tcherdon, ki l' bodje et les foyes sont påle vete di coleur, ki crexhe dins les tchamps, et k' est et magnî voltî des tchvås.

C' est l' pus cmon des tcherdons d' Walonreye.

Sincieus no d' l' indje : Cirsium arvense

Famile : sitoelacêyes

Discrijhaedje

C' est ene plante 30 a 150 cintimetes hôte.

Ele dene on måve flormint, ki tchaeke fleur est on tube.

Dispårdaedje

Tote l' Urope, dizo 2000 metes di hôteur. Divnowe ene evayixhante indje e l' Izlande (la k' ele n' egzistéve nén).

Mopliyaedje

Ele si mopleye pa ses grinnes, et eto pa des rampes, ki plèt viker d' ene anêye a l' ôte.

Eployaedje

Elle est loukêye come crouwå. Divinltins, el Beldjike,ele diveut esse discrouwådêye divant l' 15 di may.

• 
  foyes
• 
  fleurs
• 
  grinnîs
• 
  grinnes avou leu ploumtion
• 
  grinne