Bollozak
Bollozak 
aschoûtez lu, pus coranmint Bolozak[1] u Bounsuruza[2] u Bosinuza (fr. Bois-Seigneur-Isaac), c' est on viyaedje do Roman Payis, k' a ddja stî rebané avou Opin tins do redjime francès. Insi skepia l' ancyin ptit ban del Walonreye Opin-Bollozak li 19 d' avri 1811.
No des dmorants: Bolozakîs u Boûnsuruzatîs.[3]
Etimolodjeye
[candjî | candjî l’ côde wiki]Bollozak, c' est «el Bos d' lo signeur Izåk» aschoûtez lu.
Bounsuruza, c' est Boûne-su-l'-Izak, dj' ô bén li pårteye di Boûne (prumî viyaedje k' a divnou Bournivå) k' esteut so les teres da l' Izåk.
Istwere
[candjî | candjî l’ côde wiki]Diviè l' an 1000, Izåk prumî d' Valinchinne esteut signeur d' Ite, Hôte-Ite et Brinne-Tchestea.
Si ptit-fi, Izåk II, endala avou l' prumire croejhåde.
Li 5 di djun 1405, gn ava on miråke e l' tchapele di Bollozak. Li curé î trova ene osteye ki sonna cénk djoûs å long (miråke do sint sonk).[4]
Rilidjon et foclore
[candjî | candjî l’ côde wiki]On î aléve perliner el londi del Pintcosse (c' est ossu l' londi del dicåce). On rclame po les sonnaedjes. Les Aclots î alént d' l' avant-dinner. Di l' après-dinner, i dalént al dansreye del Tayeye Voye ou bén å Bilot.[5]
