Bounî
On bounî, c' est ene viye unité di mzeure des stindêyes ki valeut 20 grandès vedjes, ene grande vedje valeut 20 ptitès vedjes, eyet li ptite vedje esteut-st on cwåré d' ene corante vedje di costé.
Li no "bounî" rivént eto sovint dins les nos d' plaeces.
Valixhance el Principåté d' Lidje
[candjî | candjî l’ côde wiki]El Principåté d' Lidje, on eployive po mezurer les teres li pî d' Sint Lambiet, 29,2 cm long.
Li vedje corante valeut 16 pîs d' Sint Lambiet, ça fwait 4,67 metes.
Dabôrd, li ptite vedje fwait 21,79 m², li grande vedje 435,9 m² eyet l' bounî 8.718 m² ou 87,18 åres.
Ôtès manires di conter :
- On bounî d' tere valeut cwate djournås ou 400 vedjes cwårêyes.
- On bounî fwait vint grandès vedjes et ene grande vedje endè fwait vint ptites.[1]
Valixhance ezès Bas Payis otrichyins
[candjî | candjî l’ côde wiki]I valeut 94 ares 62 a Moustî.[2], e l' Årdene nonnrece.[3], adon, dandjreus so tos les Bas Payis otrichyins.
Valixhance dins l' lingaedje corant el dislaxheye Beldjike
[candjî | candjî l’ côde wiki]El Beldjike, après eployaedje do sistinme metrike, gn aveut co bråmint des cinsîs ki continouwént a eployî l' mot "bounî" (eto bonî, bougnî, evnd., po èn ectåre.[4]
Sourdants
[candjî | candjî l’ côde wiki]- ↑ G. Mottard, divins Intrez don.
- ↑ C106
- ↑ S117
- ↑ C106