Boussu-dlé-Mont (veye)

Boussu-dlé-Mont (F. Boussu-lez-Mons), c' est èn ancyin ptit ban del Walonreye divnou intité.

• Limeros del posse :
  • asteure : 7300.
  • davance : 7360.
• limero diyalectolodjike : Mo 39.
• Etimolodjeye et vî(s) scrijha(s) : loukîz e splitchant motî.

Dimorants :

19inme sieke	20inme sieke
1801: 1.882. 1846 : 4.479	1910 : 11.573 1961 : 11.473 1976 : 11.569

Istwere

Hôte Moyinådje

El moyinådje, gn aveut deus signeurs a Boussu: on layik et l' ôte, l' abé d' Sint-Guilin. Li signorreye layike, c' esteut on fî del conteye di Nameur. Mins ele divna leye-minme ene conteye, d' ene ordonance da Tchårlukin, e 1555. Li signorreye di Sint-Guilin, k' esteut eto redîmåve sol pårotche dispu 1079, aveut l' ôte boket, la k' gn aveut l' Bwès d' Boussu. Les deus signeurs manaedjént eshonne l' ospitå d' Anton, askepyî e 1194.

Gueres des 15inme et 16inme sikes

Må metou, tot près del France, li tchestea d' Boussu va sovint esse å mitan do djeu d' beyes. Louwis XIV î dmora tins d' l' esseraedje di Sint-Guilin e 1655. Après, li govierneu des Bas-Payis, Don Juan d' Otriche va mete li tchestea come disfinse di Sint-Guilin. E 1675, les Francès s' endè rindnut co on côp mwaisses, et vont dbrôler les ahesses di disfinse.

Industreyes

Hoyires

On saetche al hoye dispu l' 13inme sieke e Bwès d' Boussu. E 1746, on-z emantcha la li prumire pompe po poujhî les aiwes foû des fosses. E 19inme sieke, gn è va aveur on deujhinme viyaedje drola, avou deus pototches : sint Tchåle sikepieye e 1878 et sint Djôzef e 1891). Les dierinnès fosses ont seré e 1961.

Pititès industreyes

Bråmint des ovroes e 19inme sieke et disk' al guere di 1940-1945 : botikes di fier, brictreyes, soucreyes, bressene, veulreye, cristalreye.

Botikes di handele

E 19inme sieke, Boussu va divnou ene pitite veye comierçante, bén metowe inte Mont et Valinchinne sol novele voye k' a stî drovowe so France e 1750.

Administråcion

• Ancyin Redjime : Conteye do Hinnot, prevoté d' Mont
• Redjime francès : dipårtumint di Djmape; divént mwaisse-viyaedje di canton.
• Redjime holandès et bedje: Province do Hinnot, arondixhmint d' Mont.
• Diyoceze di Cambrai, pu d' Tournai (e 1802).